Hechos 18:7 - Nuevo Testamento Toba Sur

⁷ Nachi ca'ai aso laponaxaqui na judiopi, nachi taÿa ca lma' so shiÿaxaua l'enaxat Ticio Justo. Somayi quetague' ñi Dios qataq nachi sa qaÿapeque ca lma' aso naponaxaqui.

Nuevo Testamento Toba Sombrero Negro

⁷ Ca'e ga'me nemaĝaiqui qama'le yec'ata di'me 'lachaqa' ñe'me jiyaĝaua lenaĝat Ticio Justo, jo'ne jalchi'ena 'nonaĝachigui ñe'me Dios nataq'aen queda'me lejec ga'me judiopi lemaĝaiqui.

La'aqtaqa Ñim Lo'onatac 'Enauacna 2013

⁷ Nache ca'ai aso napaxaguenaxaqui na judiopi, nache taỹa ca lma' so ỹale le'enaxat Ticio Justo. Somaye quetague' Ñim Lo'onatac 'Enauacna qataq nache saqaỹapeque ca lma' aso napaxaguenaxaqui na judiopi.

Hechos 18:7 Referans Kwoze

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Colosenses 4:11

Nataq'en qami' ÿamaxalo da lquinaxanaxac ñi Jesús, da l'enaxat lÿa Justo. Nam 'amqajnataxanaxaicpi judío l'ecpi, nachaqnauate' naamayi da aÿim itauaata'pe sa'axataqtac da ilo'ogue 'enauacna ñi Dios qataq da aÿim i'añaqchitta'pe.

Hechos 17:4

Nachi huo'o nam judiopi na da'amqajnataxan, nachi quegue so Pablo qataq so Silas. Nataq'en qalota na da'amqajnataxan na griego l'ecpi mayi nachi 'eetai' da quetague' ñi Dios. Qataq qalota na 'alpi na da'amqajnataxan nam ÿataqta ÿi'oxodaipi.

Hechos 13:42

Qaq so Pablo qataq soua lÿa't co'ollaq huenoxootraguec da queda'ai aso laponaxaqui na judiopi, nachi nam sa ishit da judío l'ecpi iÿaxanot somayi, da yaqto' que'eca lÿa na'a'q mataxaqui nachi qaltaq ipaquejlec da i'axat de'eda.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Juan 9:31

Qomi' saÿajnaqta da ñi Dios sa ishit da hua'axaÿa na 'itaxaloxoicpi; chaqnata nam ÿi'oxodeetac qataq i'ot cam 'eetapeguec ñimayi, qaq nachina na hua'axaÿa.

Hechos 13:43

Qaq co'ollaq mashi ime so naponaxac aso naponaxaqui, nachi ÿataqta qalota na judiopi qataq nam chochi ÿaconguet da l'amqajnataxanaxac na judiopi qataq ÿataqta quetegue, namayipi quegue so Pablo qataq so Bernabé. Nachi soomayi ÿataqta huaqattega namayipi, da yaqto' sa ishit da ÿaxaneec da lchoxonnataxanaxa ñi Dios.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.