Hechos 18:6 - Nuevo Testamento Toba Sur

⁶ Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

Nuevo Testamento Toba Sombrero Negro

⁶ Qalaĝaja jogaa'me paja'a nalo'ta't da'me qonauteneguet nataq'aen queda'me qoye'uetac; chane'eja Pablo nechiyoĝodiñe ga'me leuo en 'lanec da'me licoqotaĝanaĝac, nataq'aen enaac: —Da'me mach'e ami anajouaĝachiyoue da'me mach'e adejomaĝaqui; ja naqayem ta'le ami jajouaĝa't. Qama'le chiyoqotelegue nayi da'me male jec'atalo ga'me jo'ne ja judiopi.

La'aqtaqa Ñim Lo'onatac 'Enauacna 2013

⁶ Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Hechos 18:6 Referans Kwoze

Hechos 13:51

Huaña, nachi soomayi ichigoxodeec na namoxoÿaxa naua lapia'te, qaq damayi nachi l'anaxat da maichi nasouaxajla't somayipi. Nachi soomayi nqo'ooda yi la ciudad Iconio.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

Lucas 9:5

Qaq ca huaña da sa ishit da qami' qaÿacongueta, qalaq qoquiÿa'ai que'eca pueblo. Ime, qaq qauchigoqoiuec na namoxoÿaxa naua qadapia'chilli'. Qaq damayi l'anaxat da maichi nasouaxajla't camayipi.

Mateo 27:25

Nachi 'enauac so shiÿaxauapi nmashiguem da ÿasat, 'eeta': –¡Qomi' qataq na qoyalaqpi ñachoxola't qome da qadasouaxashit da l-leuaxa de'eda shiÿaxaua!

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Romanos 3:29

Qaq ¿peta'a ishit da nachaqnata nam judiopi da lta'a ñi Dios? Qaq ¿sa ishit peta'a da nataq'en lta'a na saq judiopi? Aja', namayipi nataq'en lta'a ñimayi.

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Hechos 26:11

Qataq ÿataqta qalota da seuaxaatac namayipi da sauotaique da yaqto' ÿaxaañi da lpi'iÿaxac. Qaq 'eda da so'otec 'enauac anam laponaxaquipi nam judiopi. Cha'ayi aÿim ÿataqta qalota da iquiÿaxa namayipi, ÿoqo'oyi aÿim ivida'a da secanaxangui nam hueta'alo naua ÿaqa'alo la ciudad.

Mateo 22:10

Nachi som namaxashicpi jec da queguelo naua nqa'aico. Nachi lapona't 'enauac nam ilalec. Huo'o na qauem da lataxac qataq na no'on da lataxac. Nachi ÿataqta nlaqchigui so nqui'aqa' na shiÿaxauapi.

Mateo 10:14

Qaq da huo'otaq sa ishit da qami' ÿacongueta, huo'otaq da sa ishit da qami' n'axaÿaxanalo, nachi qoquiÿa'ai que'eca nma', huo'otaq que'eca pueblo. Ime, nachi qauchigoqoiuec na namoxoÿaxa mayi talguete naua qadapia'chilli'.

Lucas 22:65

Qataq lapa na laÿipi n'aqtac somayi da qaishiueetac.

Mateo 21:43

Qaq ÿoqo'oyi qami' shinapegalo da de'eda l'onataxanaxac ñi Dios da ilo'ogue 'enauacna, damayi qami' qanqateeguesopa qome. Nachi damayi qoÿami' ca shiÿaxauapi mayi ÿoqta ipacchigui cam alaÿaxac mayi taiguet de'eda l'onataxanaxac.

Mateo 8:11

Qaq aÿim shinapec da ÿataqta qalota qome na chigaqa'ague da yi'oxoñi qataq da avit da anac da nso'ona'ai' da lqui'axaua so Abraham, Isaac, qataq so Jacob, qom qainoxoneu'a cam l'onataxanaxac ñi Dios mayi neta'ague da piguem.

1 Timoteo 5:22

Sa ishit da 'auÿalapegue' da 'edeuo ca lataxala' na 'amqajnataxanaxaicpi, cha'ayi sa iuena'a da 'am ishipaxanaqchit ca ñi'itaxaloxoshit ÿaqa'a. 'Antela'agueto' 'enauac qome na sa ÿaÿamaxañi.

Mateo 21:41

Nachi qoÿiita': –Qomyi ÿataqta sa ichoxonnai' da ÿalauat se'eso qauemaicpi. Ime, qaq ÿanem so 'alhua so laÿipi 'onataxanaxaicpi mayi ÿataqta ipacchigui da icolaxateuga cam talec so 'aco', da iviteuga ca laloqo' da qanqat na nanguishic.