Hechos 18:5 - Nuevo Testamento Toba Sur

⁵ Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Nuevo Testamento Toba Sombrero Negro

⁵ Ca'li Silas nataq'aen Timoteo yovi't chiyoqoda'a di'me Macedonia, Pablo yataqachiñe yema'eguet da'me 'yaĝatetac da'me 'naqataĝanaĝac nataq'aen yechoĝotetapema joga'me judiopi queda'me Jesús mach'e Dios Liquiyac.

La'aqtaqa Ñim Lo'onatac 'Enauacna 2013

⁵ Qaq co'ollaq nvilye' so Silas qataq so Timoteo, chegoqra'a ye 'alhua Macedonia, nache so Pablo ỹataqta nalemaqteguet da ỹa'axattac da la'aqtac Ñim Lo'onatac 'Enauacna, da ỹataqta da'aqtaxaatem na judiopi da So Jesús, Somaye nacheso So Lca'aguishec Ñim Lo'onatac 'Enauacna maye qaiuattaique.

Hechos 18:5 Referans Kwoze

2 Corintios 5:14

Da lsoxoyic so Cristo nachida da qomi' ÿama'q, cha'ayi qomi' saÿajnaqta da 'oonolec so ileualec 'enauac na shiÿaxauapi, qaq ÿoqo'oyi 'enauac namayipi nataq'en 'eeta'am da ileu.

Hechos 18:28

Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Hechos 9:22

Qalaxayi so Saulo lamaaxa nquigaxatteec da l'añaxac da ÿachaxaatac so Jesús da nachiso so nta'a mayi qadca'alaxaqui, chochi ivitta'a da ÿataqta sa ÿaÿaten ca 'eetec naq'en na judiopi mayi netaña yi Damasco.

Filipenses 1:23

Ÿataqta huo'o da lqalaic ñaq'en cam ÿoqta llica'ateu'a naamayi. Cha'ayi da lÿa iuennataxa 'eeta': Aÿim ñishitaique da seleu, yaqto' nachi 'eetai' da soota'aguet so Cristo. Cha'ayi damayi ÿataqta ÿacteec da 'onaxaic ñaqshin.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

Hechos 16:9

Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Juan 15:27

Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Juan 10:24

Nachi na judiopi laponeu'a somayi. Nachi qoÿiitega, qoÿiita': –¿Chaq láguio', qaq ishit da ÿoqta qomi' 'an'axattalo? Da ÿoqta nachi'am nta'a nca'alaxaqui, qaq no'ónctaxa da ÿataqta qomi' 'au'aqtaxaatema, nachi a'ayi.

Juan 3:28

Qaq qami' maichi qau'aqaichigui aÿim co'ollaq sa'axatta da aÿim sa ishit da nachaÿim que'eca nta'a nca'alaxaqui, chaqdata da aÿim qan'auaxaata'ague na llic camayi.

Juan 1:41

Qaq so Andrés co'ollaxa ÿataqta i'auaxaachiguiñi da nqo'ona so lqaÿa Simón, nachi 'enapega, 'eeta': –Qomi' ñauanaxai' ñim qoÿiitega Mesías –de'eda n'enaxat naigui da Cristo, nta'a nca'alaxaqui.

Lucas 12:50

Qalaxayi aÿim saigui qome da ñique'ejnaxac, 'eeta'am ca qanachilaxan, qaq ÿoqo'oyi ¡ÿataqta huo'o da ÿaquicoxo da iyaxa da nal'en nachi ime!

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

1 Ts 3:6

Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.