Hechos 18:28 - Nuevo Testamento Toba Sur

²⁸ Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

Nuevo Testamento Toba Sombrero Negro

²⁸ Qa'a ena'uaque jogaa'me domachita da'me yataqata yapaĝaguetapeque ga'me judiopi ga'me chimadichidiñe 'me ja yaqanate't ta'le nematedapec, nataq'aen yachiyoĝotetelo'te nale gaa'me nedii's da'me yaloĝotac queda'me Jesús nach'eñe ñe'me Dios Liquiyac.

La'aqtaqa Ñim Lo'onatac 'Enauacna 2013

²⁸ So Apolo ỹataqta ncotatague' so judiopi maye sa ỹa'amaqten So Jesús, nache ỹaconalo naua nanettrañi ñiyigui'she na'aqtaqa da ỹa'axattac da So Jesús da nacheso So Lca'aguishec Ñim Lo'onatac 'Enauacna.

Hechos 18:28 Referans Kwoze

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 9:22

Qalaxayi so Saulo lamaaxa nquigaxatteec da l'añaxac da ÿachaxaatac so Jesús da nachiso so nta'a mayi qadca'alaxaqui, chochi ivitta'a da ÿataqta sa ÿaÿaten ca 'eetec naq'en na judiopi mayi netaña yi Damasco.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Juan 5:39

Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Hechos 18:25

Qataq ÿataqta ÿaÿaten da lliquiaxac da l'onataxanaxac ñi qadataxala', nachi da dapaxaguenataxaatac ÿataqta huo'o da lhuogoxo da i'axattegue da llic so Jesús, qaq nai'ctaxa da ndoteec da lachilaxanataxanaxac so Juan da ÿaÿaten da i'axategue.

Lucas 1:80

Nachi so nogotolec nquictashiguem da llaxa qataq da l'añaxac da lauattonaxanaxac. Qaq netalec so tojlec 'alhua, chochi ivitta'a so na'a'q co'ollaq nachaxana so Israel llalaqpi.

Hechos 8:35

Nachi so Felipe cot da l'aqtaxanaxac, ÿachigoxotchiguiña som n'aqtac mayi qaitaxaÿaxaatac, qataq i'axatem somayi da no'on qad'axaÿaxac mayi n'aqtaguec so Jesús.