Hechos 18:26 - Nuevo Testamento Toba Sur

²⁶ Nachi so Apolo co'ollaq huaigui aca laponaxaqui na judiopi, nachi da'aqtaxaatac qaica ca ñi'itaique. Qalaxayi co'ollaq n'axaÿaxaategalo somayi aso Priscila qataq so Áquila, nachi qandoxotteec da qaÿauec, nachi ÿataqta qai'aqtaxaatem da lliquiaxac da l'onataxanaxac ñi Dios.

Nuevo Testamento Toba Sombrero Negro

²⁶ Apolo yataqachiñe yaloĝon da'me 'laqataĝanaĝac ga'me judiopi ca'li uetaue ga'me lemaĝaiqui'; qalaĝaja ca'li domachita jañe'me Priscila nataq'aen Aquila, cha'li yauedegue ca'li da'me yataqachiñe noqotetedapec da'me ladic ñe'me Dios.

La'aqtaqa Ñim Lo'onatac 'Enauacna 2013

²⁶ Nache so Apolo co'ollaq huaigui aca napaxaguenaxaqui na judiopi, nache da'aqtaxaatac, qaica ca ñe'etaique. Qalaxaye co'ollaq na'axaỹaxaategalo somaye aso Priscila qataq so Aquila, nache qandoxottec da qaỹauec, nache ỹataqta qaỹa'aqtaxaatem da llecỹaxac da lo'onataxanaxac Ñim Lo'onatac 'Enauacna.

Hechos 18:26 Referans Kwoze

Hebreos 6:1

Qaq ÿoqo'oyi qomi' no'on da ñiquigaqtashiguem, da yaqto' sevidaxa da qomi' ÿi't. Ñi'onaxataqchigui qome nam hua'auchiguiñi qanapaxaguenataguecpi so Cristo. Qataq sa ishit da shi'iguelaxasoxolec da sa'axataxaco mayi taÿa'alo naq'en da nleuaxa camayi, qataq da qaipi'iÿa'a ñi Dios,

1 Corintios 12:21

Qaq ÿoqo'oyi ana n'aite sa ishit da 'enapega na nhuaq: “'Am sa souen,” qataq na nqaic sa ishit da 'enapegalo naua nchil: “Qami' sa soue'n.”

Hechos 18:25

Qataq ÿataqta ÿaÿaten da lliquiaxac da l'onataxanaxac ñi qadataxala', nachi da dapaxaguenataxaatac ÿataqta huo'o da lhuogoxo da i'axattegue da llic so Jesús, qaq nai'ctaxa da ndoteec da lachilaxanataxanaxac so Juan da ÿaÿaten da i'axategue.

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 8:31

Nachi se'eso shiÿaxaua 'enapeco': –¿Táloxochi ishito' da saÿaten ca llic, yi sa ishit da huo'o ca aÿim ÿapaxaguenec ca llic yimayi? Nachi somayi 'enapego' so Felipe da huenotshiguem da nqota'ai'.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Lucas 19:26

Nachi som nta'a 'enapeco': “Aÿim qami' shinapegalo da ca huo'o ca hueto'ot, qalaq camayi ÿacteec qanqoÿin ca qoÿami'; qaq cam qaica ca hueto'ot, qalaq nachi 'en'am ivida'a da qaiuotaxanec cam saq 'amaqtaq mayi hueto'ot.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

Hechos 18:18

Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.