Hechos 18:23 - Nuevo Testamento Toba Sur

²³ Qaq co'ollaq mashi huo'oi soua na'axa'te da hueta'a yimayi, nachi qaltaq inoxoneec, quetaguilo yiua 'ale'u Galacia qataq yi Frigia, da i'añaqchittac 'enauac na 'amqajnataxanaxaicpi.

Nuevo Testamento Toba Sombrero Negro

²³ Mane'e ca'li uo'oe gaa'me noloqo'ote 'me yenoĝodegue, yitaĝa ec ñe'me Pablo qaedi onolqa'tape quetayelo gaa'me noyaqa di'me Galacia nataq'aen Frigia, 'yañaqate'tape ena'uaque joga'me p'etaqadaiquipi.

La'aqtaqa Ñim Lo'onatac 'Enauacna 2013

²³ Qaq co'ollaq mashe huo'oi soua na'axa'te da hueta'a yemaye, nache qaltaq inoxonec, quetaguilo yeua 'aleu' Galacia qataq ye Frigia, da ỹa'añaqchettac 'enauac na 'amqaanataxanaxaicpi.

Hechos 18:23 Referans Kwoze

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Hechos 15:32

Cha'ayi som Judas qataq so Silas, soomayi nataq'en l'aqtaxanaxanqa ñi Dios. Nachi soomayi i'añaqchi't qataq huaqattrega so nqaÿañicpi, ÿataqta lta'adaic da lqataxa'c.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

1 Corintios 16:1

Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.

1 Ts 4:18

Ÿoqo'oyi ñi 'oonolec da qoñiita itaunec ca lÿa de'eda n'aqtac.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

Gálatas 1:2

Aÿim qataq 'enauac nam qadqaÿañicpi mayi aÿim hueta'aguet qami' samaxasaxalo ana qodede, qami' 'amqajnataxanaxaicpi mayi qoñiitaña na 'alhua Galacia.

Hechos 16:40

Nachi soomayi co'ollaq queda'ai aso ncoñitaxanaxaqui, nachi nqo'oodeuga ca lma' aso Lidia. Qaq co'ollaq ima't da nauaneto na nqaÿañicpi qataq da i'añaqchittrac, nachi soomayi je'c.

Lucas 22:43

Nachi anac som namaxashic piguem l'ec da ÿanem da l'añaxac somayi.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Lucas 1:3

Qaq aÿim nataq'en mashi ñimate' da ñapaxagueetega 'enauac so chigoqchiguiña ne'ena qai'otpi. Qaq ÿoqo'oyi aÿim ÿaÿamaqchiguiñi ñaqshin da shiyiñi 'enauac ne'ena qai'otpi, da 'am samaxa, 'am ñauochaxaua ÿaqaÿa Teófilo,

Hechos 2:10

qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Gálatas 1:9

Damayi sogote co'ollaxa da i'aqtac, qalaxayi nagui qaltaq shi'iguelaxalec da shinapec: Da huo'otaq huo'o ca qami' i'axatema ca lÿa n'aqtaxanaxac mayi 'eetega chigaqaigui da nca'alaxa, da huo'otaq sa natenguet dam mashi qauacoñiiguet, qalaq camayi qaÿauo'o qome ca lta'adaic nhuaxanaguec.