Hechos 18:18 - Nuevo Testamento Toba Sur

¹⁸ Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

Nuevo Testamento Toba Sombrero Negro

¹⁸ Pablo cha'li maliaĝa qayoĝode' gaa'me noloqo'ote da'me ue'ta di'me Corinto. Yem qama'le yep'iye'tape gaa'me qadaqaya'olqa, qama'le nach'e ena'am ñe'me Priscila choqoñe'me Aquila, nedañgui jaga'me licota qaedi yec'adeta di'me aleua jo'ne Siria. Di'me Cencreas, ca'li yamta'le nañgui licota qama'le Pablo nemadelegue ga'me laqaic, qaedi yepaquichigui ga'me 'laqatac jo'ne joote 'yaeñi ca'li.

La'aqtaqa Ñim Lo'onatac 'Enauacna 2013

¹⁸ Nache so Pablo ỹataqta huo'oi soua na'axa'te da hueta'a ye nỹecpi ye Corinto. Qaq co'ollaq ime, nache somaye ncoyeguene' so nqaỹañecpi, nache huenoteua'a aso notaxaqui maye quiguingui na 'etaxat da nqo'ona ye 'alhua Siria, lỹatac so Aquila qataq aso Priscila. Qaq somaye co'ollaq yaqta'a da ca'ai ye ñegaxasom Cencrea da huenoteuo, nache npetec na laue ỹataqta nmatta, cha'aye mashe ipacchigui cam la'aqtac maye ỹan co'olloxocheye.

Hechos 18:18 Referans Kwoze

Hechos 21:24

Qaq nachiñiua qome 'annaicapegueto da 'anÿoxo'u, ime, nachi qaushiichiñi acam lashiue da qanÿoxoqui. Qaq qom ime, nachi naamayi ishi't da npete'c na laue. Qaq 'eda qome da qonetec, yaqto' 'enauac ishit da qaÿaÿaten da sa ishit da 'eesa de'eda 'an'aqtaguec, cha'ayi chaqdata da 'am nataq'en ÿataqta 'aupacchigui 'enauac da 'aualaxalec na nqataxacpi.

1 Corintios 9:20

Naxa da sootaigui na judío l'ecpi, nachi se'enaxat da lliquiaxac namayipi, yaqto' ishit da ñauec. Namayipi quetague' da lliquiaxac na nqataxacpi mayi chigoqo'ot so Moisés. Qaq nataq'en aÿim souaxaÿot na nqataxacpi, nai'ctaxa da sa ishit da ÿoqta shictague' ne'ena nqataxacpi.

Romanos 16:1

Huo'o da ÿaqataxac aca qadqaÿa Febe mayi itauaatac nam 'amqajnataxanaicpi mayi netaña yi Cencrea,

Hechos 18:2

Qaq huaña yimayi, nachi natena'aguet so judío l'ec l'enaxat Áquila. Somayi chigaqa'ague da 'alhua l'enaxat Ponto. Qaq se'eso Áquila qataq aso lhua Priscila ñaq cha'aguelo da nvi't, chigoqtra'ague da Italia. Queda'ai yimayi, cha'ayi so lta'a na nta'alpi l'enaxat Claudio 'enapega 'enauac na judiopi da ca'ai yi Roma. Nachi so Pablo namaqtego' somayi,

Gálatas 1:21

Qaq co'ollaq ime de'eda, nachi ñoqo'ona yim 'alhua Siria qataq yi Cilicia.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Hechos 21:3

Qaq can soqolaqta, nachi chochi seloqtau'a yi 'alhuolec Chipre pa'aÿa'ague da qan'emaq, nachi chochi sovidaqta'a yi Siria. Qaq cha'ayi aso barco qanÿoxoñi na l'ec can huaña yi ñigaxasom Tiro, nachi saxau'a yimayi.

Hechos 18:26

Nachi so Apolo co'ollaq huaigui aca laponaxaqui na judiopi, nachi da'aqtaxaatac qaica ca ñi'itaique. Qalaxayi co'ollaq n'axaÿaxaategalo somayi aso Priscila qataq so Áquila, nachi qandoxotteec da qaÿauec, nachi ÿataqta qai'aqtaxaatem da lliquiaxac da l'onataxanaxac ñi Dios.

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Marcos 6:46

Qaq co'ollaq ime da ncoyigueetague' somayipi, nachi jec da tashiguemec aso qasoxonaxa da nqouagaxauen.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 18:27

Nachi so Apolo co'ollaq huo'o da lyaxa da taitague da 'alhua Acaya, nachi so nqaÿañicpi itauan somayi da i'añaqchit, nachi qaÿauo'o aso nede qaÿamaxa so 'amqajnataxanaxaicpi mayi naña que'eca 'alhua da ÿataqta qailo'oguet somayi. Nachi somayi co'ollaq ivita yi Acaya, nachi ÿataqta lta'adaic da ltaunaxanaxac da itauaatac nam ñi Dios ÿachigoxotchigui naq'en da lqouagaxanaqtaic da da'amqajnataxan naq'en.

Hechos 21:23

Qaq ÿoqo'oyi 'am no'on da 'au'ot qome da qadqataxac, 'eeta': Huo'oi naua cuatro shiÿaxa'u souaqta'agueta mayi yaqta'a da ivita ca laloqo' cam l'aqta'c co'olloxochiyi da yaqto' ÿauo'oi ca ÿaadot ñi Dios.