Hechos 18:10 - Nuevo Testamento Toba Sur

¹⁰ Cha'ayi aÿim 'am soota'aguet, qaq sa ishit qome da huo'o ca 'am ÿaconeu'a da huo'o ca 'am i'otec. Cha'ayi ÿataqta qalota na shiÿaxauapi na netaña ne'ena la ciudad na ÿalamaxatpi.

Nuevo Testamento Toba Sombrero Negro

¹⁰ Qa'a am joue'tajop nataq'aen qaya'te gamachaqaega ta'le 'uo ga'me am 'yetec qaedi am 'naĝat, qa'a ga'me yalaqapi jena'me jenjo' noic yataqachiñe jalcote.”

La'aqtaqa Ñim Lo'onatac 'Enauacna 2013

¹⁰ Cha'aye Aỹem 'am soota'aguet, qaq saishet qome da huo'o ca 'am ỹaconeua'a da huo'o ca 'am ỹo'otec. Cha'aye ỹataqta qalota na shiỹaxauapi na netaña ne'ena nỹecpi na ỹalamaxatpi.

Hechos 18:10 Referans Kwoze

2 Corintios 12:9

Qalaxayi somayi aÿim 'enapega, 'eeta': “Da ÿoqouagaxanaqtaic mashi 'am hueto'ot, qaq saqca ca lÿa 'aueetac. Cha'ayi da i'añaxac yi'oq da nachattaigui ca shiÿaxaua qaica ca l'añaxac.” Qaq ÿoqo'oyi ÿataqta samachiguiñi da saqca ca i'añaxac, yaqto' da l'añaxac so Cristo yi'oq da aÿim nachattaigui.

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Romanos 8:31

Qaq ÿoqo'oyi ¿chaq huá'ague ca 'eetec ca qad'aqtac de'eda? Da huo'otaq qomi' hueta'agueta ñi Dios, nachi ¿négue't ca ishit da qomi' npa'agueneto? ¡Qomyi qaica!

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

2 Timoteo 4:22

Qaq ñi qadataxala' Jesucristo 'am hueta'aguet qome, qaq ñi Dios qami' ÿanema qome ca no'on qoyiquiaxaqui. Aja', nachi 'eetec de'eda.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Mateo 10:30

Qaq ivida'a na laue ñi 'oonolec da qoñiita ÿataqta qanaloqteeta.

Hechos 15:18

'Eda da l'aqtac ñi qadataxala' mayi i'axatta'a co'ollaxa soua hua'a'u vi'iyi.

Lucas 21:18

Qalaxayi sa ishit qome da huo'o ca 'oonolec laue ñi 'oonolec da qoñiita da daqat.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Hechos 15:14

Ñi Simón Pedro qomi' da'aqtaxaatapeguema da 'eetec ñi Dios co'ollaq chita'ague da nqouaguec nam sa ishit da judiopi, nachi ÿauo'o na lca'au'a namayipi da ÿauo'o lalamaxatpi.

Hechos 18:9

Qaq huo'o so pe, nachi so qadataxala' 'enapego' so Pablo co'ollaq huaigui so l'ochaxa, 'eeta': –Sa ishit qome da 'ayi'itac, nachi qoqueto'ot da 'ad'aqtaxanaxac, sa ishit da 'anañaxaañi.

Hechos 18:11

Nachi so Pablo naña yi Corinto so 'oonolec vi'i qataq so laiñi so lÿa vi'i da ÿapaxagueetapeguec somayipi da l'aqtac ñi Dios.