Hechos 18:1 - Nuevo Testamento Toba Sur

¹ Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Nuevo Testamento Toba Sombrero Negro

¹ Ca'li yem da'me dojo', Pablo ca'e di'me Atenas qama'le yec'ata di'me Corinto.

La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache so Pablo ca'ai ye nỹecpi ye Atenas da taỹa ye nỹecpi ye Corinto.

Hechos 18:1 Referans Kwoze

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

2 Timoteo 4:20

Qaq so Erasto n'onaña yi Corinto, qaq so Trófimo ñi'onaxataña yi Mileto, souaxat da sa no'on.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

Hechos 17:15

Nachi soua nnaictagueto so Pablo ivittra'ague da la ciudad Atenas. Qaq co'ollaq ime, nachi ñi'iguela'q, nachi nachitrac da l'aqtac somayi da 'enapegalo so Silas qataq so Timoteo da sa naÿaloxo'n da ana'c da nqo'ooda somayi.

Hechos 17:16

Qaq so Pablo co'ollaq hueta'a yi Atenas da iuattapigui so Silas qataq so Timoteo, nachi ÿataqta qaica ca lama' souaxat da imeteetac se'eso la ciudad da ÿataqta nlaqchigui na nqolacpi mayi qanatameetacot.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

2 Corintios 6:11

Qami' qadqaÿa't mayi qadmayi na Corinto, qomi' ÿataqta qaica ca sauoqtaique da qami' setaxasoxoiguilo, ÿataqta imauec da qadquiyaqteÿaxac da qaica ca 'oonolec soxotaqtapiguiñi.