Hechos 17:5 - Nuevo Testamento Toba Sur

⁵ Qalaxayi ñaqaiyita huo'o nam judiopi nam sa ishit da da'amqajnataxan. Nachi namayipi ÿataqta huo'o da ndaxaÿaxa, nachi laÿona't nam shiÿaxauapi qauemaicpi mayi qaica ca i'ot, quetapeeguelo naua nqa'aico, da qainogoqchit. Nachi somayipi chochi idaxangui nam netaña so la ciudad. Nachi qanqo'ona ca lma' so Jasón da qainoxottac, qanmittaique so Pablo qataq so Silas da qaÿauotaique da qaÿaconeu'alo, nachi qoÿaneu'alo na shiÿaxauapi.

Nuevo Testamento Toba Sombrero Negro

⁵ Qalaĝaja dojo' chiyaqayi queda'me 'uo da'me lep'aguenataĝanaĝa'j ga'me judiopi jo'ne ja p'iida'a, nataq'aen queda'me yemata'a't gaa'me jiyaĝa'u qaleuaĝayaqa jo'ne ch'e quedapegue' nale gaa'me naq'aeco qaedi ja en 'te niyamaĝa nataq'aen 'ñemaĝachidiñe noic. Choqoda'me yauaĝadelegue ga'me 'lachaqa' ñe'me Jasón, yelotedaque ñe'me Pablo nataq'aen Silas qaedi qoyauedegue nataq'aen qoyanouelo ga'me jiyaĝadipi;

La'aqtaqa Ñim Lo'onatac 'Enauacna 2013

⁵ Qalaxaye nataqa'en huo'o na judiopi nam saishet da da'amqaanataxan. Nache namayepi ỹataqta huo'o da lquiỹaxa soomaye, nache laỹona't nam shiỹaxauapi qauemaicpi maye qaica ca ỹo'ot, quetapeeguelo naua nqa'aico da inogoqchet. Nache nqo'ona ca lma' so Jasón da inoxottac, nmittaique so Pablo qataq so Silas da ỹauotaique da ỹaconeua'alo, nache ỹaneua'alo na shiỹaxauapi da yaqto' huo'o ca ỹo'ote'c sa ỹaỹamaxañi.

Hechos 17:5 Referans Kwoze

Gálatas 5:26

Qaq sa ishit qome da qomi' ñi'oxonnaxaiqa, qataq ñi 'oonolec sa ishit da inogoqchittac ca lÿa, qataq sa ishit da maichi ñiquiÿaqta'a't.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Gálatas 5:21

Namayipi ÿataqta quiÿaxanaqtaqaicpi, laataxanaxaicpi, nÿomaxaicpi, qataq qui'axaicpi, qataq huo'o na laÿipi i'ottacpi 'eeta'am de'eda. Qaq ÿataqta qami' secoyigueete', 'eeta'am da shiitec co'ollaq qami' sa'aqtaxaatema, da huo'otaq huo'o ca i'ottac ca 'eeta'am de'eda, nachi camayi sa ishit qome da inoxoneu'a ca l'onataxanaxac ñi Dios da ilo'ogue 'enauacna.

Romanos 16:21

Nataq'en qami' ÿamaxalo da lquinaxanaxac ñi Timoteo mayi ñitaunaxaua, qataq ñi Lucio, Jasón qataq ñi Sosípatro nam iuo' lashi'.

Hechos 17:7

Qaq dam Jasón, damayi ÿacongueta, nachi ÿaatraña yi lma'. Qaq 'enauac namayipi ÿataqta npa'aguene' da lamaxasoxonaxac ñim qadta'a mayi neta'ague da Roma, cha'ayi namayipi 'eetega da huo'o ca lÿa nta'a, camayi l'enaxato' Jesús.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

Hechos 19:40

Cha'ayi qomi' nagui mashi souaqaigui da lchic da huo'otaq qoÿiitega da qomi' npa'aguenaxaiqa, souaxat de'eda so'otaqtac nagui. Cha'ayi qomi' qaica cam qad'aqtaxanaxac da huo'otaq qomi' qaina't da qainataxanec de'eda qancotaxac.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Mateo 27:18

Cha'ayi somayi ÿaÿaten da chochi huo'o da nquiÿaxa so Jesús, ÿoqo'oyi qoÿaneuo.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Hechos 7:9

Qaq se'eso llalaqpi so Jacob mayi sachigoxosoxoiguipi, somayipi co'ollaxa nquiÿa so lqaÿa José. Nachi somayi qaimen, nachi qaido'ogue da Egipto. Qalaxayi ñi Dios hueta'aguet somayi,

Hechos 17:6

Qaq co'ollaq sa qaÿanatalo soomayi, nachi qaÿauec so Jasón, qaÿauogleeta. Qataq huo'oi soua lÿa't 'amqajnataxanaxaiqa da qaÿauegueu'alo som lta'alpi se'eso la ciudad. Nachi i'alaqtagui somayipi, 'eeta': –Ne'enaua shiÿaxa'u mayi idaxaatrapigui 'enauac na shiÿaxauapi da chigoqtra'ague, naamayi nagui qataq nvitra ne'ena souaqta'a.

Hechos 17:9

Qalaxayi so Jasón qataq soua lÿa't co'ollaq ime da huo'o aso qaishiitenaxanaxanque, nachi qaisodeec.

2 Corintios 11:26

Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.