Hechos 17:32 - Nuevo Testamento Toba Sur

³² Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Nuevo Testamento Toba Sombrero Negro

³² Ca'li domachita da'me dojo' 'liyelaĝajoĝo'j gaa'me jo'ne joote yele'u, uo'oe gaa'me jo'ne ye'ue'tape nataq'aen laqaya' enapega't: —Mach'e am jomachaĝa qomle yitaĝa a'uaĝat.

La'aqtaqa Ñim Lo'onatac 'Enauacna 2013

³² Qaq co'ollaq qaỹa'axaỹa de'era 'eetec da So Jesús qaltaq nca'alec, nache huo'o na lashetac so Pablo. Qataq huo'o na laỹepi 'eeta': –No'on da ña'aqtaxanaxagui de'era que'eca lỹa na'a'q.

Hechos 17:32 Referans Kwoze

Hechos 26:8

Qaq ¿qami' peta'a sa ishito' da qau'amaqchiñi da ñi Dios ishit da qaltaq nca'aleec naq'en na leuaxaicpi?

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

2 Corintios 6:2

Cha'ayi ñimayi nam l'aqtaqa mayi nanettrañi 'eeta': So na'a'q mayi ichoxonnataxanaxaqui, qalaq 'am sa'aqtega; qataq so na'a'q mayi huetoigui da seca'alaqtaxan, qalaq 'am setauan. Qaq nachina na na'a'q nchoxonnataxanaxaqui; qataq nachina na na'a'q nca'alaqtaxanaxaqui.

Hechos 25:19

Chaqdata da qancotatapigui dam maichi n'amqajnataxanaxac, qataq cam l'enaxato' Jesús mayi qaÿalauat co'ollaxa, qalaxayi ñi Pablo 'eetega camayi da qaltaq nca'aleec.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Hechos 2:13

Qalaxayi huo'o na laÿipi na i'iitac somayipi, 'eeta': –Namayipi souaxai' chochi taxaicpi.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Lucas 14:18

Qalaxayi 'enauac somayipi huo'oi naua qoÿigalo. Nachi som l'auaxanec 'eeta': “Aÿim chita'ague da seshijnaxana yi ñi'alhua, qaq aÿim ashic da semejnaxaneuga. Qaq nagui 'am ñachoxonnot da chochi aÿim 'auchoxoden qome.”

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

Hechos 13:41

Ña qaumijñi, qami' 'enaxanaxaicpi, chochi qau'elaqÿapigui' qome, qataq qami' qaÿaqatte' da qadellivi; cha'ayi aÿim mayi aÿim Dios, huo'o ca na'a'q qome qavichiÿa, qaq aÿim huo'o ca so'ot lta'adaxanec, qaq camayi ÿataqta sa qau'amaqchiñi, nai'ctoxo' da huo'o ca qami' da'aqtaxaatapeguema.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

Hebreos 11:36

Qataq huo'o na laÿipi ÿataqta nque'etaxangui da n'enaguec, qataq da nhuaxanaguec, qataq da qaicoñida't naua lhua'q, qataq da qoÿanaigui ana ncoñitaxanaxaquipi.

Lucas 23:36

Qaq nataq'en som huataxanaqpi ÿataqta ÿi'iitac somayi, nachi qanquigueu'a da qaÿauotaique da qanÿomaxangui som lataxa mayi ÿataqta 'iuaxaic.

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.

Lucas 22:63

Nachi so shiÿaxauapi mayi iuattague' so Jesús ÿataqta ÿi'inai' somayi qataq iuaxaatac.

Hechos 17:33

Nachi so Pablo ca'ai somayipi.

1 Corintios 15:12

Qalaxayi da qomi' sa'axataqtapeguec so Cristo da mashi sogote da Dios nca'aleeguesop naq'en da nleuaxa, qaq ¿tá'ainco' yi huo'o da qoñiita na 'eetega da sa ishit da nca'aleec qanqoÿin na leuaxaicpi?