Hechos 17:30 - Nuevo Testamento Toba Sur

³⁰ Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Nuevo Testamento Toba Sombrero Negro

³⁰ Qalaĝaja Dios ja yeloyelo gaa'me noloqo'ote ca'li cha'li qaya'te letadenataĝanaĝa'j ga'me jiyaĝadipi, qalaĝaja nayi yamaĝalo'te ena'uaque ga'me jiyaĝadipi qaedi 'niyelaĝadetot joñe'me ena'uaque gaa'me ale'u lael.

La'aqtaqa Ñim Lo'onatac 'Enauacna 2013

³⁰ Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Hechos 17:30 Referans Kwoze

Hechos 14:16

Soua lÿa't na'axa'te ñi Dios ÿauaqta'a na shiÿaxauapi, da yaqto' maichi ÿoiqueetac ca lliquiaxac.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

1 Pedro 4:3

Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.

Romanos 3:25

Ñi Dios ÿan so Cristo, da yaqto' da l-leuaxa chigoqchigui naq'en da ishit da ÿapalaxat na nasouaxashitpi. Qaq damayi chigoqchigui da qaipi'iÿa'a somayi. Qaq de'eda 'eetec ñimayi, nshitaique da qaÿaÿaten da ishit da i'ot ca ÿaÿamaqchiguiñi, cha'ayi da lhualaxavic ñimayi ÿataqta sa ishit da ilogui som hua'au nasouaxashitpi.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Lucas 13:5

'A'i, sa ishit. Qami' nataq'en da sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Hechos 17:23

Cha'ayi can aÿim secoleetac na qoviita'a, nachi semeteetac 'enauac nam qanatamnaqa'aipi. Nachi huo'o yi selalec atamnaqa' qoÿittañi so n'aqtac, 'eeta': “Atamnaqa' da qanatamnot cam Dios mayi sa ishit da qaÿauatton.” Qaq ñi'iñi Dios mayi qanatamñiitacot qalaxayi sa qauauattoñi, nachiñi nagui ñi qami' sa'axatema.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Marcos 6:12

Nachi soomayi je'c, nachi da'aqtaxaadem na shiÿaxauapi, da yaqto' ÿaxaadeec naua n'onataxaco.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

2 Corintios 7:10

Cha'ayi de'eda naquicoxo mayi ÿaÿamaxadeeta ñi Dios, damayi i'ot da qoÿaxaadeec naua 'onataxaco qataq naigui da nca'alaxa. Qaq ÿoqo'oyi sa ishit da qanayictega. Qaq dam laquicoxo nam sa da'amqajnataxanpi, damayi naigui da nleuaxa.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Romanos 3:23

cha'ayi 'enauac nam shiÿaxauapi huo'o da ÿasouaxat, qataq ÿataqta qaÿoqta ñim Dios mayi ishit da deca'alaqtaxan.

Mateo 20:7

Nachi somayipi 'enapeco': “Cha'ayi qaica ca qomi' i'onataxanaxa'n ÿoqo'oyi.” Nachi se'eso 'aco' 'enapeco': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.”