Hechos 17:2 - Nuevo Testamento Toba Sur

² Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

Nuevo Testamento Toba Sombrero Negro

² Pablo, queda'me mach'e naya'ac, yec'ata ga'me nemaĝaiqui, qama'le yemeda gaa'me noloqo'ote niyamaqataqa, nalo'taguet tres gaa'me semanas da'me necotetapegue'to jogaa'me, yachiyoĝotetelo'te nale gaa'me nedii's.

La'aqtaqa Ñim Lo'onatac 'Enauacna 2013

² Qaq maiche lataxac naxa so Pablo da saq ỹa'atai' da taua'a ana napaxaguenaxaqui na judiopi. Qaq ỹoqo'oye ivi't soua tres mataxaqui' da ỹe'eguelaqtaua'a aso napaxaguenaxaqui na judiopi maye lma' yi'iye. Itaxaỹaxaatac ana nere maye huetalec na la'aqtacpi Ñim Lo'onatac 'Enauacna,

Hechos 17:2 Referans Kwoze

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Hechos 17:17

Qaq ÿoqo'oyi nqo'oneu'a aca naponaxaqui, nachi da'aqtaxaatapeguem na judiopi, nataq'en nam laÿipi mayi ÿi'oxodeetac ñi Dios. Qataq 'enauaque naua na'axa'te da'aqtaxaatac, da'aqtaxaatapeguem nam hueta'a ca naponqa'.

Hechos 17:10

Qaq so nqaÿañicpi nachi ÿataqta sa qaÿaÿaloxon da so Pablo qataq so Silas qaÿamaxadegue da Berea se'eso pe. Qaq co'ollaq ivilyi', nachi nqo'oodeu'a aso laponaxaqui na judiopi.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 8:35

Nachi so Felipe cot da l'aqtaxanaxac, ÿachigoxotchiguiña som n'aqtac mayi qaitaxaÿaxaatac, qataq i'axatem somayi da no'on qad'axaÿaxac mayi n'aqtaguec so Jesús.

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Lucas 4:16

Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Hechos 13:14

Qaq co'ollaq ime, nachi soomayi queda'ai yi Perge da nqo'ooda yi la ciudad Antioquía mayi huaigui yi 'alhua Pisidia. Qaq co'ollaq huaña yimayi, nachi nqo'oodeu'a aso laponaxaqui na judiopi so na'a'q mataxaqui, nachi nso'ooyiñi.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.