Hechos 17:19 - Nuevo Testamento Toba Sur

¹⁹ Ime, nachi so Pablo qaÿauega ca naponqa' l'enaxat Areópago, cam nachi 'eetai' naxa da huaña da huo'o na qaitaxaÿapigui. Nachi qainattac, qoÿiita': –¿Peta'a ishit da qomi' huo'o ca saÿajnaq dam dalaxaic napaxaguenataxanaxac mayi 'au'axattac?

Nuevo Testamento Toba Sombrero Negro

¹⁹ Chane'eja qoyauega ga'me Areópago, qama'le qoyachimaĝata: —¿Qo'li 'noota ta'le jayatenaq queda'me jach'e ga'me eeta da'me dojo' dalaĝaic napaĝaguenataĝanaĝac jo'ne a'uaĝatetac?

La'aqtaqa Ñim Lo'onatac 'Enauacna 2013

¹⁹ Ime, nache so Pablo qaỹauega ca naponqa' le'enaxat Areópago, cam nache 'eetai' naxa da huaña da huo'o na qaitaxaỹapigui. Nache qainattac, qoỹeeta': –¿Peta'a ishet da qomi' huo'o ca saỹaanaq dam dalaxaic napaxaguenataxanaxac maye 'aua'axattac?

Hechos 17:19 Referans Kwoze

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Hechos 17:22

Nachi so Pablo nachajñigui na laiñi som shiÿaxauapi mayi hueta'a se'eso Areópago. Nachi 'enapeco': –Qami' ÿallippi mayi qadmayi na Atenas, aÿim sela'a da 'enauac da qoñiita ÿataqta qoquiitegue da qad'amqajnataxanaxaqui nam nqolacpi mayi qanatameetacot.

Hechos 26:1

Nachi so nta'a Agripa 'enapega so Pablo, 'eeta': –'Am peta'a ishit da 'au'ot ca 'adtaxaÿaxac. Nachi so Pablo ÿachaxaashiguem na lhuaq, nachi detaqa, 'eeta':

Hechos 25:22

Nachi so nta'a Agripa 'enapego' so Festo, 'eeta': –Aÿim nataq'en ñishitaique da ñi'axaÿaxana que'eca shiÿaxaua. Nachi so Festo 'enapeco': –Qome nte', qaq 'an'axaÿaxana ñimayi.

Hechos 24:24

Qaq soua lÿa't na'axa'te nachi qaltaq nvi' so Félix, nnaictague' aso lhua Drusila, asomayi judío lashi. Nachi somayi damaxasoxoneuga so Pablo da yaqto' n'axaÿaxana da i'axat ca llic da qaipi'iÿa'a so Jesucristo.

Hechos 17:20

Cha'ayi dam 'au'axattac, damayi ÿataqta yiualaqa'a, qaq sauoqtaique da saÿajnaq ca llic 'enauac damayi.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Mateo 10:18

Qataq ivida'a qome da qami' qaÿauegueu'alo nam ilotagueto naua 'ale'u, qataq na lta'alpi namayipi, souaxat da aÿim qoquiitague'. Huaña, nachi ishit da aÿim qau'axachi da qau'aqtaxañiim namayipi qataq nam sa ishit da judiopi.

Hechos 17:34

Qalaxayi huo'o na da'amqajnataxanpi, nachi ca'ategue somayi. Qaq se'eso da'amqajnataxanpi nachi ÿalectauo so Dionisio. Qaq somayi nachi laÿipi nam ltaxaÿaqa' so Areópago. Nataq'en aso 'alo l'enaxat Dámaris, qataq huo'o so laÿipi.

Hechos 23:19

Nachi so nta'a ÿacona na lhuaq so nsoq, nachi iÿotauga. Nachi inattac, 'eeta': –¿Négue't cam huotaique da aÿim 'au'axatem?