Hechos 17:18 - Nuevo Testamento Toba Sur

¹⁸ Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Nuevo Testamento Toba Sombrero Negro

¹⁸ Nach'e ena'am uo'oe gaa'me yatenaĝanaĝayaqa jo'ne epicureopi choqogaa'me estoicopi, paja'a necotedapegue' ñe'me. Uo'oe gaa'me enapega't: —¿Jach'e ga'me 'yaĝatetac dojo' jaĝaic? Nataq'aen laqaya' enapega't: —Ena'am ta'le aqataĝanaĝaic gaa'me qop'iyapegalo jo'ne chiyoqodayi. Naq'aeta da'me 'laqata'j qa'a Pablo 'yaĝatetac da'me onaĝaic 'naqataĝanaĝac 'me 'yaĝatetac ñe'me Jesús nataq'aen queda'me 'niyelaĝajeguem ca'li.

La'aqtaqa Ñim Lo'onatac 'Enauacna 2013

¹⁸ Qaq huo'o nam ỹaanaxanaxaicpi maye ỹa'amaqten qataq 'eetega, dam ỹataqta huo'o naq naigui de'era achaalataxac, nachera da namaxayec. Qataq huo'o so laỹepi ỹaanaxanaxaicpi da ỹapaxagueetac na shiỹaxauapi da nllañi da lo'ocỹaxac da yaqto' saishet da ỹo'ot ca qauem. Nache namayepi huo'o na 'eeta': –¿Negue't da qomi' ỹa'axattapeguema dam da' ỹale, ye ỹapactec da ltaxaỹaxac? Qataq huo'o na 'eeta': –Damaye 'eeta'am da ỹa'axattapeguec cam lỹa 'añaxaic. Qaq 'eetec de'era somayepi, cha'aye so Pablo ỹa'axattac dam no'on na'axaỹaxac maye na'aqtaguec So Jesús qataq da 'eetec da qaltaq nca'alec ca shiỹaxaua.

Hechos 17:18 Referans Kwoze

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Hechos 4:2

Qaq somayipi ÿataqta dalemata, souaxat so Pedro qataq so Juan da ÿapaxagueeta'pe na shiÿaxauapi, qataq i'axattrac da 'eetec da na shiÿaxauapi ishit da qaltaq qanca'alaxateec qome, cha'ayi so Jesús mashi qaltaq qanca'alaxateec.

Lucas 11:53

Nachi co'ollaq ime da nasaxauec de'eda so Jesús, nachi nam dapaxaguenataxaatapeguec nam nqataxacpi qataq nam ÿalectaigui na fariseopi, ÿataqta dalemataÿa somayi. Nachi qanayictot da sa qaÿalemaxat da qainattac. Qalota nam qainataxaatapeguec.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

Romanos 1:22

Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec.

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Marcos 9:14

Qaq co'ollaq mashi ñi'iguelaxa so Jesús ca huetra'a soua lapaxaguenataqa, nachi iloda'a so qalota shiÿaxauapi da coleesopa soomayi. Nataq'en huo'o nam dapaxaguenataxaatapeguec na nqataxacpi, qaq namayipi ncotatapegueto soomayi.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 5:42

Nachi soomayi quetoto da dapaxaguenataxaata'pe qataq i'axattrac so Jesús 'enauaque naua na'axa'te, huo'o da huetra'a aso n'onaxanaxaqui, huo'otaq naua nma'te.