Hechos 17:16 - Nuevo Testamento Toba Sur

¹⁶ Qaq so Pablo co'ollaq hueta'a yi Atenas da iuattapigui so Silas qataq so Timoteo, nachi ÿataqta qaica ca lama' souaxat da imeteetac se'eso la ciudad da ÿataqta nlaqchigui na nqolacpi mayi qanatameetacot.

Nuevo Testamento Toba Sombrero Negro

¹⁶ Mane'e ca'li Pablo cha'li yeuatetapiye ñe'me Silas nataq'aen Timoteo, yataqachiñe nejalichiñe ga'me lauel da'me yauana da'me yema ga'me noic ga'me qop'iyapegalo nale.

La'aqtaqa Ñim Lo'onatac 'Enauacna 2013

¹⁶ Qaq so Pablo co'ollaq hueta'a ye nỹecpi ye Atenas da iuattrapigui so Silas qataq so Timoteo, nache ỹataqta qaica ca lama' souaxat da imeteetac se'eso nỹecpi da ỹataqta nlaqchigui na ne'enaqtacpi maye qanatameetacot.

Hechos 17:16 Referans Kwoze

2 Pedro 2:7

Qalaxayi nca'alaxateec co'ollaxa so Lot, cha'ayi somayi ÿataqta no'on da lataxac, qataq souaxat da ÿataqta qalota da nqui'ic co'ollaq imeteetac da qauem lataxac se'eso shiÿaxauapi mayi qauemaicpi.

Marcos 3:5

Nachi so Jesús ÿataqta denogui co'ollaq ÿamataigui somayipi, qataq ÿataqta daquico. Cha'ayi somayipi sa ishit da qaÿapaxaguenai'. Nachi 'enapego' so shiÿaxaua mayi daqaqta na lhuaq, 'eeta': –'Anchinnaxaneec na 'adhuaq. Nachi somayi nchinnaxaneec na lhuaq, nachi no'oita.

Hechos 17:23

Cha'ayi can aÿim secoleetac na qoviita'a, nachi semeteetac 'enauac nam qanatamnaqa'aipi. Nachi huo'o yi selalec atamnaqa' qoÿittañi so n'aqtac, 'eeta': “Atamnaqa' da qanatamnot cam Dios mayi sa ishit da qaÿauatton.” Qaq ñi'iñi Dios mayi qanatamñiitacot qalaxayi sa qauauattoñi, nachiñi nagui ñi qami' sa'axatema.

Juan 2:13

Qaq co'ollaq mashi sa qaÿapeque so laloxoqui da na judiopi iuennate so na'a'q co'ollaq ca'ai qanqoÿin yi Egipto, nachi so Jesús nqo'oneu'a yi la ciudad Jerusalén.

Hechos 17:15

Nachi soua nnaictagueto so Pablo ivittra'ague da la ciudad Atenas. Qaq co'ollaq ime, nachi ñi'iguela'q, nachi nachitrac da l'aqtac somayi da 'enapegalo so Silas qataq so Timoteo da sa naÿaloxo'n da ana'c da nqo'ooda somayi.

Hechos 17:21

Cha'ayi 'enauac nam netaña na Atenas qataq 'enauac nam chigaqauecpi ÿataqta qaica ca lÿa n'aqtaxangui, nachaqdata da n'axaÿaxaata'ai da huo'o ca qai'axat dalaxaic.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 20:22

Qaq nagui aÿim saigue da Jerusalén, cha'ayi aÿim ÿauec so Espíritu Santo. Qaq aÿim sa ishit da saÿaten ca 'eetec ca souaigui qom sovi'.

1 Ts 3:1

Qaq ÿoqo'oyi co'ollaq sa yaloxoguet da shinaqta, nachi tachigui qadhuel da ñidaqhuec da sonqaña yi la ciudad Atenas.