Hechos 17:15 - Nuevo Testamento Toba Sur

¹⁵ Nachi soua nnaictagueto so Pablo ivittra'ague da la ciudad Atenas. Qaq co'ollaq ime, nachi ñi'iguela'q, nachi nachitrac da l'aqtac somayi da 'enapegalo so Silas qataq so Timoteo da sa naÿaloxo'n da ana'c da nqo'ooda somayi.

Nuevo Testamento Toba Sombrero Negro

¹⁵ Jogaa'me jo'ne naequetedapegue' ñe'me Pablo quetegue ñe'me chayovida'a di'me Atenas. Ca'li yem da'me qonoqotenalo qama'le 'viyelaĝadeta ñe'me Silas qaedi qom qaya'te qalaq qama'le paja'a uaĝayeta jogaa'me.

La'aqtaqa Ñim Lo'onatac 'Enauacna 2013

¹⁵ Qaq soua nnaictagueto so Pablo, soomaye ivittra'ague da Atenas. Qaq co'ollaq ime, nache ñe'eguela'q, nache nachetrac da la'aqtac somaye da 'enapegalo soua Silas qataq so Timoteo da sa naỹaloxo'n da je'c da nqo'oora somaye.

Hechos 17:15 Referans Kwoze

1 Ts 3:1

Qaq ÿoqo'oyi co'ollaq sa yaloxoguet da shinaqta, nachi tachigui qadhuel da ñidaqhuec da sonqaña yi la ciudad Atenas.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Tito 3:12

Qom mashi 'am samaxa ñi Artemas, huo'otaq ñi Tíquico, qaq 'am sa 'anaÿaloxon qome da 'ananaÿa yi Nicópolis da aÿim 'anauane', cha'ayi sauotaique da soota'a yimayi qom nvideuo na n'omaxa.

Hechos 17:21

Cha'ayi 'enauac nam netaña na Atenas qataq 'enauac nam chigaqauecpi ÿataqta qaica ca lÿa n'aqtaxangui, nachaqdata da n'axaÿaxaata'ai da huo'o ca qai'axat dalaxaic.

Hechos 17:16

Qaq so Pablo co'ollaq hueta'a yi Atenas da iuattapigui so Silas qataq so Timoteo, nachi ÿataqta qaica ca lama' souaxat da imeteetac se'eso la ciudad da ÿataqta nlaqchigui na nqolacpi mayi qanatameetacot.

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Hechos 17:14

Qalaxayi so nqaÿañicpi sa ÿaÿaloxonai' somayi da qaÿamaq, da yaqto' taxaama so loigue aso auaxai. Qaq nda'a't so Silas qataq so Timoteo n'oidaña yi Berea.

Hechos 17:22

Nachi so Pablo nachajñigui na laiñi som shiÿaxauapi mayi hueta'a se'eso Areópago. Nachi 'enapeco': –Qami' ÿallippi mayi qadmayi na Atenas, aÿim sela'a da 'enauac da qoñiita ÿataqta qoquiitegue da qad'amqajnataxanaxaqui nam nqolacpi mayi qanatameetacot.