Hechos 17:10 - Nuevo Testamento Toba Sur

¹⁰ Qaq so nqaÿañicpi nachi ÿataqta sa qaÿaÿaloxon da so Pablo qataq so Silas qaÿamaxadegue da Berea se'eso pe. Qaq co'ollaq ivilyi', nachi nqo'oodeu'a aso laponaxaqui na judiopi.

Nuevo Testamento Toba Sombrero Negro

¹⁰ Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

La'aqtaqa Ñim Lo'onatac 'Enauacna 2013

¹⁰ Qaq so ỹa'amaqtenpi So Jesús, nache ỹataqta sa ỹaỹaloxon da ỹama'q soua Pablo qataq so Silas da nqo'oora naqa'e'n ye nỹecpi ye Berea se'eso pe. Qaq co'ollaq ivilye', nache nqo'ooreua'a aso napaxaguenaxaqui na judiopi.

Hechos 17:10 Referans Kwoze

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Hechos 17:2

Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

Hechos 20:4

Nachi nnaictagueto soua Sópatro lma' yi Berea, qataq so Aristarco qataq so Segundo mayi lma't yi Tesalónica, qataq so Gayo mayi lma' yi Derbe, qataq so Timoteo, nataq'en so Tíquico qataq Trófimo mayi chigoqda'ague da 'alhua Asia.

Hechos 9:25

Qalaxayi na 'amqajnataxanaxaicpi co'ollaq pe, nachi qaÿachagui somayi aso canasto late'edai, nachi qaÿasaqteueegue da laÿi so lcopaqtaxat so la ciudad. Huaña, nachi somayi qoÿit.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 17:1

Qaq da lliquiaxac so Pablo qataq so Silas tajdelec yi Anfípolis qataq yi Apolonia. Ime, nachi nqo'ooda yi la ciudad Tesalónica. Qaq yimayi huo'o aso laponaxaqui na judiopi.

Hechos 17:4

Nachi huo'o nam judiopi na da'amqajnataxan, nachi quegue so Pablo qataq so Silas. Nataq'en qalota na da'amqajnataxan na griego l'ecpi mayi nachi 'eetai' da quetague' ñi Dios. Qataq qalota na 'alpi na da'amqajnataxan nam ÿataqta ÿi'oxodaipi.

Hechos 17:6

Qaq co'ollaq sa qaÿanatalo soomayi, nachi qaÿauec so Jasón, qaÿauogleeta. Qataq huo'oi soua lÿa't 'amqajnataxanaxaiqa da qaÿauegueu'alo som lta'alpi se'eso la ciudad. Nachi i'alaqtagui somayipi, 'eeta': –Ne'enaua shiÿaxa'u mayi idaxaatrapigui 'enauac na shiÿaxauapi da chigoqtra'ague, naamayi nagui qataq nvitra ne'ena souaqta'a.