Hechos 16:9 - Nuevo Testamento Toba Sur

⁹ Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

Nuevo Testamento Toba Sombrero Negro

⁹ Nach'edi Pablo ua'a da'me 'uo ga'me naloĝonaĝat jo'ne 'lochaĝa; yauana ga'me jiyaĝaua jo'ne ue'ta di'me Macedonia, 'me nec'atetañe nachoĝodetapecot: “Anec'ata jena'me Macedonia qama'le qo'mi alecochiyalo.”

La'aqtaqa Ñim Lo'onatac 'Enauacna 2013

⁹ Qaq huaña yemaye, nache so Pablo huo'o so lauanaqchec se'eso pe. Iloto'o' so ỹale maye naña ye 'alhua Macedonia. Somaye nachattañi, nache nachoxoreetacot somaye, 'eeta': «Ña 'ananaitactaxa na Macedonia, nache qomi' 'autaua'n.»

Hechos 16:9 Referans Kwoze

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

Hechos 20:1

Qaq co'ollaq mashi ime se'eso cotaxac, nachi so Pablo iÿaxanoigui na 'amqajnataxanaxaicpi, da yaqto' ÿanem da lqataxac. Ime, nachi ncoyigueetague' somayipi, nqapaltague', nachi taigue da Macedonia.

1 Ts 4:10

Qataq nachi 'eetai' da qami' nachi qoñiita'ac 'enauac na qad'amqajnataxanaxauapi mayi netaña yi 'alhua Macedonia. Qalaxayi qami' qadqaÿa't, qami' ñachoxodenaqtoto da qoquiitot damayi da qanqochiñiita'aguet.

2 Corintios 12:7

Qaq de'eda ÿauanaqchic ÿataqta qaica ca 'en'am da lli'oxoyic. Qalaxayi da yaqto' sa ishit da sagaqten da ñi'amqajñigui, nachi aÿim qoÿanem da ñiqui'ic, 'eeta'am aca ÿaxat le da huo'otaq i'attaigui da i'oquiaxac. Damayi lamaxashic so shiÿaxaua lma'na da aÿim iuaxan.

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

2 Corintios 8:1

Qaq nagui qami' qadqaÿa't, sauoqtaique da qami' sa'aqtaxanaxama da 'eetec da lqouagaxanaqtaic ñi Dios mayi ÿanem nam 'amqajnataxanaxaicpi mayi netalec yi 'alhua Macedonia.

2 Corintios 7:5

Chigoqta'a can ñividaxa yi Macedonia, nachi saxanaxa da huo'o ca qanmataxac. Chaqdata da qomi' ñatenaqlec 'enauac nam qomi' nqanaxa't qataq pa'aÿauec da qancogaxanataguec qataq mashi leutapigui da qadvilÿaxac.

Hechos 20:3

Huaña yimayi, nachi ivi' tres ca'agoxoiqa da naña. Qaq co'ollaq mashi huotaique da huenoteu'a aso barco da taigue da Siria, nachi somayi l'axaÿaxac da na judiopi ÿauotaique da ÿalauat. Nachi somayi ÿi'iguelaqtegue na llic, tajlec yi Macedonia.

Hechos 10:30

Nachi so Cornelio 'enapeco': –Nagui mashi ivi' naua cuatro na'axa'te da 'eeta'am peta'a nagui yi ñichiguiña aso nala' co'ollaq aÿim soota'a na ima', ñoqouaqchittac qataq ñoqouagaxaueetac. Nachi aÿim nachaxana so shiÿaxaua soua alogo ÿataqta qashilectrapiguiñi.

Hechos 10:3

Qaq huo'o so na'a'q mashi dashichiguiñi aso nala', nachi somayi huo'o so lauanaqchic: ila'aguet so namaxashic piguem l'ec da taÿau'a ca hueta'a somayi, nachi 'enapego', 'eeta': ¡Cornelio!

Hechos 9:38

Qaq yi'iyi Jope nachi sa qaÿapeque yi Lida yim hueta'a so Pedro. Nachi som 'amqajnataxanaxaicpi co'ollaq l'axaÿaxac somayi da hueta'a yimayi, nachi qaÿamaxalo soua dos shiÿaxa'u da qoÿinapega, qoÿiita': –'Ananaÿa qome na Jope; sa ishit da 'anaÿaloxon.

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

Hechos 19:22

Nachi somayi ÿamaxadegue da Macedonia soua dos lta'u Timoteo qataq so Erasto, qaq somayi ñaq huo'oi soua na'axa'te da ñaq hueta'a yi Asia.

Hechos 19:29

Nachi ÿataqta huo'o da l'axa 'enauac so la ciudad. Nachi qaÿaconeu'a so Gayo qataq so Aristarco, soomayi chigoqda'ague da Macedonia, qaq nachi nnaictrague' so Pablo. Nachi soomayi qaÿauecdau'a cam noÿic mayi huaña naxa da qai'ot na ntaxaÿaxac.

Hechos 27:2

Nachi qomi' senotaxau'a aso barco mayi lashi yi ñigaxasom Adramitio, asomayi taÿa'a na ñigaxasompi yi Asia. Qaq qomi' ÿalectaiguilo nataq'en so Aristarco, som lma' yi Tesalónica mayi huaigui yi 'alhua Macedonia.