Hechos 16:33 - Nuevo Testamento Toba Sur

³³ Qaq nachiso se'eso pe da so ilotague' aso ncoñitaxanaxaqui iÿota'pe naua nhuaxanqa soomayi. Ime, nachi somayi qataq 'enauac so llalaqpi qanachilaxan.

Nuevo Testamento Toba Sombrero Negro

³³ Qanach'ega ua'a ca'li ga'me pi'yaq, ñe'me coñetaĝanaĝaiqui lo'o male yiyo'y ga'me yec'o'n jo'ne yedidiñe jogaa'me. Yem qama'le ñe'me nataq'aen gaa'me jo'ne ueteda'a ga'me 'lachaqa' qonachilaĝa'n ca'li.

La'aqtaqa Ñim Lo'onatac 'Enauacna 2013

³³ Qaq nacheso se'eso pe da so ilotague' aso ncoñetaxanaxaqui iỹota'ape naua nhuaxanaqa soomaye. Ime, nache somaye qataq 'enauac som netañapi ye lma' qanachelaxan.

Hechos 16:33 Referans Kwoze

1 Corintios 1:16

'Eesa nataq'en da ÿachilaxanatac na lauo' l'ecpi ca Estéfanas, qaq sa ishit da ñitounec da huo'otaq huo'o ca lÿa ÿachilaxanatac.

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 16:25

Qalaxayi co'ollaq mashi laiñi na pe, nachi so Pablo qataq so Silas, soomayi nqouagaxaueeta'pe qataq do'onaxaata'pe, ÿi'oxodeetrac ñi Dios. Nachi som laÿipi ncoñitaguishicpi n'axaÿaxaategalo soomayi.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Hechos 16:23

Qaq co'ollaq mashi qalota da nhuaxanague'c, nachi qaÿamaxadoigui aca ncoñitaxanaxaqui. Nachi qoÿinapega som ilotague' aso ncoñitaxanaxaqui da ÿataqta ilo'oguelo.

Lucas 19:9

Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.

Mateo 3:6

Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Hechos 16:32

Nachi qai'aqtaxaatapeguem somayi da l'aqtac ñi Dios qataq 'enauac som netañapi so lma'.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,