Hechos 16:26 - Nuevo Testamento Toba Sur

²⁶ Nachi nque'elaxatta da huo'o so nacholaxanaxa, nachi ÿataqta ÿacholaxanapec aso ncoñitaxanaxaqui, ivida'a naq'en na pa'aguiñi. Huaña, nachi maichi nauatoiguilo naua laso'mi, qataq maichi huesodeec naua lque'te na ncoñitaguishicpi.

Nuevo Testamento Toba Sombrero Negro

²⁶ Qama'le paja'a novi' ga'me nedaĝa jo'ne yataqachiñe yadiochigui ga'me p'añe jaga'me coñetaĝanaĝaiqui. Qanach'ega ua'a da'me yema 'nouategue gaa'me najo'mi, nataq'aen ena'uaque jogaa'me necoñetae's ñedegue gaa'me leque'te.

La'aqtaqa Ñim Lo'onatac 'Enauacna 2013

²⁶ Nache nque'elaxatta da huo'o so nacholaxanaxa, nache ỹataqta ỹacholaxanapec aso ncoñetaxanaxaqui, ivira'a naqa'en na pa'aguiñi. Huaña, nache maiche nauatoiguilo naua laso'omi, qataq maiche huesore'c naua lque'ete so ncoñeteguishecpi.

Hechos 16:26 Referans Kwoze

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

Hechos 12:10

Qalaxayi co'ollaq napacdalec caua hua'auchiyiñi nauanaxanaxanqa qataq jec napactalguete caua lÿa't, chochi ivittrauga so lasom mayi ima'a't lcat mayi pa'aiguet so nqa'aic. Nachi se'eso lasom maichi nauatoigui, nachi inoxoodeec, nachi je'c. Qaq co'ollaq napacdalec ca 'oonolec nqa'aic, nachi so namaxashic piguem l'ec ca'ai somayi da ndoqteeteec.

Hechos 12:7

Nachi nque'elaxatta da nachatteuo so piguem l'ec lamaxashic ñi qadataxala', nachi ÿataqta yi'oqchiguiñi na pa'auo aso ncoñitaxanaxaqui. Nachi som namaxashic i'adeu'a na laÿi so Pedro da nqotoxon. Nachi 'enapego', 'eeta': –Qoñishiguem, 'anque'emgue. Nachi soua lque'te naua lhua'q so Pedro ñideec.

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Apocalipsis 11:13

Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.

Apocalipsis 6:12

Qaq se'eso qagueta llalec can qaltaq nqat aso lÿa n'anaxanaqte, qaq samata'a, nachi huo'o so lta'adaic nacholaxanaxa. Qaq aso nala' nachi 'om, qaq ÿataqta napanñi. Qaq so ca'agoxoic qalaq ÿataqta 'eeta'am na ntago'q na ltogaxa.