Hechos 16:25 - Nuevo Testamento Toba Sur

²⁵ Qalaxayi co'ollaq mashi laiñi na pe, nachi so Pablo qataq so Silas, soomayi nqouagaxaueeta'pe qataq do'onaxaata'pe, ÿi'oxodeetrac ñi Dios. Nachi som laÿipi ncoñitaguishicpi n'axaÿaxaategalo soomayi.

Nuevo Testamento Toba Sombrero Negro

²⁵ Qalaĝaja ca'li yedete'eguet joga'me pi'yaĝa laeñi, ca'li Pablo nataq'aen Silas cha'li netame'tape choqoda'me t'onaĝa'tape, 'nonachidegue joñe'me Dios, qama'le jogaa'me necoñetae's laqaya' naquiaĝatapegalo ca'li.

La'aqtaqa Ñim Lo'onatac 'Enauacna 2013

²⁵ Qalaxaye co'ollaq mashe laiñi so pe, nache so Pablo qataq so Silas, soomaye nqouagaxaueeta'ape qataq do'onaxaata'ape, ỹo'oxoreetrac Ñim Lo'onatac 'Enauacna. Qaq som laỹepi ncoñeteguishecpi na'axaỹaxaategalo soomaye.

Hechos 16:25 Referans Kwoze

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Hebreos 5:7

So Cristo co'ollaq hueta'a ana 'alhua, qalaq somayi ÿataqta nlamaxaden da nqouagaxaueetac qataq da deÿaxaatac, noÿiito'ot ñim Dios mayi huo'o da l'añaxac da yaqto' nca'alaxateeguesop somayi da nleuaxa. Qalaq ñi Dios hua'axaÿa somayi, souaxat somayi da ÿataqta nañanot ñimayi.

Efesios 5:19

Qataq da ñi 'oonolec detaqtague' ca lÿa, qalaq huota'a naq'en na ÿotta'a't n'onecpi mayi chigoqo'ot so Espíritu. Qataq ÿataqta imauec da qadquiyaqteÿaxaqui da qau'onaxañiitac qataq da qavi'oxoyiñiitac so qadataxala'.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Lucas 22:44

Qaq co'ollaq mashi ÿagueec da nque'ejnaxac, nachi qaltaq nquigaxatteec da n'añaxataxac da nqouagaxaunaxac, nachi na nchilchaxa mayi anactac, 'eeta'am na ntago'q, ÿataqta ñijlec na 'alhua.

Santiago 5:13

Da huo'o ca 'oonolec da qoñiita huo'o ca nomtapeeguet, no'on da nqouagaxaueetac. Da huo'o ca machiguiñi, no'on da do'onaxaatac, ÿi'oxodeetac ñi Dios.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 16:19

Qalaxayi so n'aco'pi aso qa'añole co'ollaq ila'a da mashi qaica som dauegaxaatapigui n'onataxac asomayi, nachi qaÿaconeu'a so Pablo qataq so Silas, nachi qaÿauegueu'a ca ltaxaÿaqa' so nta'alpi mayi huangui na laiñi so la ciudad.

Hechos 16:33

Qaq nachiso se'eso pe da so ilotague' aso ncoñitaxanaxaqui iÿota'pe naua nhuaxanqa soomayi. Ime, nachi somayi qataq 'enauac so llalaqpi qanachilaxan.