Biblia Todo Logo
Bib sou entènèt

- Piblisite -




Hechos 16:23 - Nuevo Testamento Toba Sur

23 Qaq co'ollaq mashi qalota da nhuaxanague'c, nachi qaÿamaxadoigui aca ncoñitaxanaxaqui. Nachi qoÿinapega som ilotague' aso ncoñitaxanaxaqui da ÿataqta ilo'oguelo.

Gade chapit la Kopi

Nuevo Testamento Toba Sombrero Negro

23 Ca'li joote yem da'me jalcote da'me qoye'uaĝa'n, qama'le qoyamaĝadoue jaga'me coñetaĝanaĝaiqui, nataq'aen qouaqatelegue ga'me vitaĝaic qaedi yataqachiñe ja yalajaĝa'ta da'me letelaĝa.

Gade chapit la Kopi

La'aqtaqa Ñim Lo'onatac 'Enauacna 2013

23 Qaq co'ollaq mashe qalota da nhuaxanague'c, nache qaỹamaxaroigui aca ncoñetaxanaxaqui. Nache qoỹenapega som ilotague' aso ncoñetaxanaxaqui da ỹataqta ilo'oguelo.

Gade chapit la Kopi




Hechos 16:23
21 Referans Kwoze  

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.


Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.


qalaxayi aÿim sepacapegue' da 'am ñachoxodeetot, souaxat da nsoxoyic. Aÿim Pablo nagui mashi aÿim ÿi'axaiqui qataq aÿim qaicoñittai', souaxat da sasoilec so Cristo Jesús,


Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.


Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.


Nachi so ncoñitaxanaxaqui l'o 'enapego' so Pablo, 'eeta': –Huo'o da l'aqtac nam nta'alpi, da yaqto' aÿim qami' saxaadeec. Qaq ÿoqo'oyi nagui qami' ishit da qaunoxoñiiuec, qaica ca qami' idaxaatapigui'salo.


Nachi som ilotague' aso ncoñitaxanaxaqui nlouec. Qaq co'ollaq ila'a da nauattaigui 'enauac nam lasompi aso ncoñitaxanaxaqui, nachi somayi nqatshiguem so lainec da huotaique da maichi nalajla't, cha'ayi ipi'itaxano' da so ncoñitaguishicpi n'otauec.


Qaq co'ollaq mashi yi'oxoñi, nachi ÿataqta sa ÿaÿaten ca 'eetec som huataxanaqpi, cha'ayi sa qaÿaÿaten ca 'eetec so Pedro.


Qaq co'ollaq mashi qaÿaconeu'a so Pedro, nachi so Herodes ÿanaigui somayi aso ncoñitaxanaxaqui. Nachi nauaatalec naq'en so dieciseis huataxanaqpi, cuatro naq'en naua huaxaÿapega't, cha'ayi somayi ÿauotaique da qom ime so naponaxac, nachi nqateec so Pedro da ÿachaxana 'enauac na shiÿaxauapi da ÿalauat.


Nachi iÿaxanot somayi, da yaqto' ÿanem aca lmalate ca l'aqtac, da yaqto' so Saulo nqo'ona aca laponaxaqui na judiopi mayi naña yi Damasco, da ÿi'iguena'a nam quetague' da n'aqtac, da nauega yi Jerusalén da yaqto' qaicoñi', nai'ctaxa da ÿallippi, huo'otaq 'alpi.


Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.


'eeta': –Qomi' semejnaqtac añi ncoñitaxanaxaqui da ÿataqta qaÿapochigui, qataq huo'oi daua huataxanaq lashi' mayi nauaata'pe naua laso'mi. Qalaxayi can sauataxaigui, nachi sa ishit da huo'o ca selaqa'a na pa'auo.


Nachi ÿaconeu'alo soomayi da icoñi't, ÿaadaigui aca ncoñitaxanaxaqui late'edai.


Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.


Qaq so Judas mayi demenaxan, somayi ÿauo'o co'ollaxa da l'anec, 'eeta': –Ca ñapigoqot qome, qaq nachica qaucoñiyi.


Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.


Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.


¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.


Swiv nou:

Piblisite


Piblisite