Hechos 16:2 - Nuevo Testamento Toba Sur

² Qaq so nqaÿañicpi mayi netaña yi Listra qataq yi Iconio ÿataqta no'on naq'en da n'aqtaguec somayi.

Nuevo Testamento Toba Sombrero Negro

² qama'le jogaa'me qadaqaya'olqa 'me Listra laje' nataq'aen di'me Iconio, ena'uaque 'nonaĝachidegue ñe'me.

La'aqtaqa Ñim Lo'onatac 'Enauacna 2013

² Qaq so 'amqaanataxanaxaicpi maye netaña ye Listra qataq ye Iconio ỹataqta no'on naqa'en da na'aqtaguec so Timoteo.

Hechos 16:2 Referans Kwoze

2 Timoteo 3:15

cha'ayi nal'ena da 'ananacta'ai' da 'auauatton naua ñiyigui'shi l'aqtaqa ñi Dios mayi ishit da 'am ÿajnaxanaxaic naq'en, qataq ishit da 'am ÿaueca'aguet da nca'alaxa mayi chigaqaigui da qaipi'iÿa'a so Cristo Jesús.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

Hebreos 11:2

Som hua'au qadta'alpi co'ollaxa ÿataqta ÿaÿamaxadeeta ñi Dios, souaxat da huo'o da lpi'iÿaxac.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Hechos 16:40

Nachi soomayi co'ollaq queda'ai aso ncoñitaxanaxaqui, nachi nqo'oodeuga ca lma' aso Lidia. Qaq co'ollaq ima't da nauaneto na nqaÿañicpi qataq da i'añaqchittrac, nachi soomayi je'c.

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

Hechos 13:51

Huaña, nachi soomayi ichigoxodeec na namoxoÿaxa naua lapia'te, qaq damayi nachi l'anaxat da maichi nasouaxajla't somayipi. Nachi soomayi nqo'ooda yi la ciudad Iconio.

Hechos 6:3

Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

1 Timoteo 5:25

Qaq nachi 'eeta'am ca ÿaÿamaqchiguiñi n'onataxanaxac yi'oqta. Qalaxayi da huo'otaq saxanaxa da yi'oq, qalaxayi sa ishit da nachi 'eetai' da saq cha'a.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Hechos 14:6

Qalaxayi so Pablo qataq so Bernabé co'ollaq l'axaÿaxa'c de'eda, nachi soomayi naneltaxa'n, tadegue da Listra qataq Derbe, yiimayi nachi huaiguilo yi 'alhua Licaonia. Nachi coleetrapeguelec 'enauac yi'iyi 'alhua.

Filipenses 2:22

Qalaxayi qami' mashi qauaÿajñi da 'eetec da no'on lataxac so Timoteo, qataq da 'eetec da ñitauaatapegue' da sa'axataqtac da n'aqtac, qaq somayi 'eeta'am ca ñalec da itauan ca lta'a.