Hechos 16:17 - Nuevo Testamento Toba Sur

¹⁷ Qaq asa'aso qa'añole nachi ca'attapiguiñi' so Pablo, nataq'en qomi'. Nachi i'alaqtai', 'eeta': –Ne'enaua shiÿaxa'u, naamayi do'onataxaatacoto ñim Dios mayi 'amaqtaqaic, qaq naamayi qami' i'axattapeguema da llic da nca'alaxa.

Nuevo Testamento Toba Sombrero Negro

¹⁷ Janjo' q'añole quetapegue' ca'li ñe'me Pablo nataq'aen qo'mi, qama'le niyaĝatapejeguem: —¡Naajo' jiyaĝa'u mach'e 'lonataĝanaĝanaqa ñe'me Dios jo'ne p'ajaye, nataq'aen ami 'yaĝatetapema da'me nec'alaĝa ladic!

La'aqtaqa Ñim Lo'onatac 'Enauacna 2013

¹⁷ Qaq asa'aso qa'añole, nache ca'attapiguiñi' so Pablo, nataqa'en qomi'. Nache ỹa'alaqtai', 'eeta': –Ne'enaua ỹale't, naamaye do'onataxaatacoto Ñim Lo'onatac 'Enauacna maye 'amaqtaqaic. Qaq naamaye qami' da'aqtaxaateguema da Ñim Lo'onatac 'Enauacna ishet da qami' nca'alaxatre'c.

Hechos 16:17 Referans Kwoze

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

1 Pedro 2:16

Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Lucas 4:41

Qataq qalota na dalolaxaicpi jec na l'ec leguemaxaicpi. Nachi i'alaqtai', 'eeta': –Nachi'am mayi 'am llalec ñi Dios. Qalaxayi so Jesús nlaxa ne'ena n'ec leguemaxaicpi, qataq sa ÿashinem da detaqa, cha'ayi namayipi ÿaÿaten da somayi nachiso so nta'a mayi nca'alaxaqui.

Lucas 4:34

–Qomi' 'auaqta'alo. ¿Tá'ainco' yi qomi' sa 'aualemaxa't, 'am Jesús Nazaret l'ec? ¿Peta'a qomi' 'auanaÿalo da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Lucas 1:79

da yaqto' icoÿadelec nam huetaigui na napalaxa qataq da lchic da nleuaxa, qataq yaqto' qomi' ÿachaxaateguelo ca nqa'aic mayi nlagaxayic.

Hechos 19:13

Qalaxayi huo'oi soua judío lashi' mayi quetragui na shiÿaxauapi da i'ottrapeguec na n'ecpi leguemaxaic. Nachi soomayi nshitraique da do'onataxaada da l'enaxat so qadataxala' Jesús, da yaqto' i'oldauec na n'ecpi. Nachi soomayi 'eetegalo' na n'ecpi, 'eeta': –Qami' sedolguete da l'enaxat so Jesús mayi i'axattac so Pablo da qoquii.

Hechos 18:26

Nachi so Apolo co'ollaq huaigui aca laponaxaqui na judiopi, nachi da'aqtaxaatac qaica ca ñi'itaique. Qalaxayi co'ollaq n'axaÿaxaategalo somayi aso Priscila qataq so Áquila, nachi qandoxotteec da qaÿauec, nachi ÿataqta qai'aqtaxaatem da lliquiaxac da l'onataxanaxac ñi Dios.

Lucas 20:21

Qaq ÿoqo'oyi somayipi ÿauo'o da nnataxanaxac, 'eeta': –'Am mayi 'auapaxaguenataxaatac, qomi' saÿajnaq da ca qonapec qataq nam 'adapaxaguenataxanaxaco ÿataqta ÿaÿamaqchiyiñi, qataq sa ishit da chochi 'aulotagui ca shiÿaxaua da 'anmit da 'auauo'o ca lasouaxashit. Chaqdata da 'am 'auapaxaguenataxaatapeguec ca ÿoqta 'eesa nqa'aic ñi Dios.

Lucas 1:77

da yaqto' 'au'aqtaxanem nam lalamaxatpi da qaÿapalaxat da lasouaxashit, qataq yaqto' ÿaconguet da nca'alaxa.

Marcos 12:14

Nachi somayipi anac, nachi qainat somayi, qoÿiita': –'Am mayi 'auapaxaguenataxaatac, qomi' saÿajnaq da naua 'ad'aqtaqa ÿataqta 'eesoda, qataq sa ishit da 'auqochitega cam 'enapec na shiÿaxauapi, cha'ayi sa ishit da 'aulotapigui ca yi'oqchigui lataxac na shiÿaxauapi, chaqdata da 'auapaxaguenataxaatapeguec ca llic da no'on nataxac mayi ÿaÿamaxadeeta ñi Dios. Qaq ¿peta'a ÿaÿamaqchiguiñi da qaishiiten ñim lta'a nam nta'alpi, loqo' chaq sa ishit? ¿Seshiitenaq, qalqo' sa ishit?

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Mateo 22:16

Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Lucas 8:28

Somayi co'ollaq ila'a so Jesús, nachi i'adoto naua l-llicte, nachi i'alaqtac, 'eeta': –¿Tá'ainco' yi aÿim 'atapegueu'a, 'am Jesús mayi 'am llalec ñim Dios mayi 'amaqtaqaic? 'Am ñachoxonnot nagui sa ishit qome da 'auauo'o da ñique'ejnaxac.

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.