Hechos 16:16 - Nuevo Testamento Toba Sur

¹⁶ Qaq can qomi' qaltaq ñoqo'onaxauga som qouagaxaunaqa', nachi ñatenaqa'aguet aso qa'añole nlata mayi huo'o so l'ec leguemaxaic mayi ishit da ilaviigui ca lÿa. Qaq asomayi ÿataqta qalota naq'en añi laueque so n'aco'pi, chochi qaÿauegaxaatapigui da ilaviigui ca lÿa.

Nuevo Testamento Toba Sombrero Negro

¹⁶ Qama'te ua'edi, ca'li jec'otaĝa ga'me tamenaqa' qama'le jauanaĝa jaga'me q'añole 'me uetaye ga'me nepaqal jo'ne deuoqotaĝanac. Mach'e nelata ca'li jaga'me jo'ne yechoĝot nale da'me leuoqotaĝanaĝac jalcote jaga'me naicaua jo'ne yanema gaa'me ladi'p.

La'aqtaqa Ñim Lo'onatac 'Enauacna 2013

¹⁶ Qaq can qomi' qaltaq ñeqo'onaxauga som qouagaxaunaqa', nache ñatenaqa'aguet aso qa'añole nlata maye huo'o so netaigui saqcha'a na'añaxac leguemaxaic maye ishet da ilaviigui ca lỹa. Qaq asomaye ỹataqta qalota naqa'en añi laueque so na'aco'pi, choche qaỹauegaxaatapigui da ilaviigui ca lỹa.

Hechos 16:16 Referans Kwoze

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

2 Timoteo 3:8

Namayipi 'eeta'ama soua 'oiquiaxai Janes qataq so Jambrés mayi dataida'aguet co'olloxochiyi so Moisés. Qaq nataq'en 'eeta'am ne'ena shiÿaxauapi ÿataqta dataÿa'aguet da 'eesa lataxac. Namayipi mashi sotaq ÿaÿamaq da lauattonaxanaxac, qataq npe'eneueegue da lliquiaxac da npi'iÿaxac.

Hechos 16:18

Qaq ÿataqta huo'oi soua na'axa'te da nachi 'eeta'ac de'eda. Qaq chochi ivitta'a da ÿataqta sa ÿaÿamaxaden so Pablo. Nachi somayi ÿi'iguelaxaguet asomayi, nachi 'enapego' som n'ec mayi netaigui asomayi, 'eeta': –'Am sedolec da l'enaxat so Jesucristo da qoca'ai ana'ana qa'añole. Nachi som n'ec ca'ai asomayi.

Hechos 16:13

Qaq huo'o so na'a'q mataxaqui, nachi saxaueegue da laÿi yi la ciudad, ñoqo'onaqaama so loigue so tala yim huaña naxa da qai'ot da nqouagaxaunaxac. Huaña, nachi ñiso'onaqtañi, nachi sa'axataqtapeguem da n'aqtac na 'alpi mayi lapoota'a't.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

Hechos 19:24

Qaq de'eda cotaxac chigoqchigui so shiÿaxaua l'enaxat Demetrio mayi i'ottac na lcat l'enaxat plata. Qaq somayi nachi i'ottac na l'enaqtac noÿicpi, i'enaxatchigui so lauo' aso nate'e mayi qanatameetacot, l'enaxat Artemisa, ÿachigoxotaigui na plata. Qaq damayi nachida da ÿachigoxottapoigui da lta'adaic lauegaxanaxac na l'onataxanaxanecpi.

Hechos 16:19

Qalaxayi so n'aco'pi aso qa'añole co'ollaq ila'a da mashi qaica som dauegaxaatapigui n'onataxac asomayi, nachi qaÿaconeu'a so Pablo qataq so Silas, nachi qaÿauegueu'a ca ltaxaÿaqa' so nta'alpi mayi huangui na laiñi so la ciudad.