Hechos 16:15 - Nuevo Testamento Toba Sur

¹⁵ Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Nuevo Testamento Toba Sombrero Negro

¹⁵ Qonachilaĝan ca'li nataq'aen ena'uaque gaa'me jo'ne mach'e laqaya'. Ca'li yem qama'le qo'mi nachoĝodenoto: —Qom aueñetapega queda'me yataqachiñe jep'iya'a ñe'me Jaliaĝanec, qama'le jayem anec'achiya qaedi oviya'a di'me 'yachaqa'. Qama'le qo'mi paquetapegue'to qaedi jouaqa'tedi.

La'aqtaqa Ñim Lo'onatac 'Enauacna 2013

¹⁵ Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Hechos 16:15 Referans Kwoze

Hechos 11:14

Qaq ñimayi qome 'am i'axatem da 'eetec, da yaqto' 'am 'anca'aleec qataq 'enauac nam 'ai'alaqpi.”

Hebreos 13:2

Qataq sa ishit qome da qaucouai'ai da ÿataqta qauloÿiiguet ca qanamaxasoxoiqui. Cha'ayi damayi nachida da chigoqchigui da huo'o co'ollaxa som saq noma da ÿauo'o ca l'ochaqa' nam namaxashic piguem l'ecpi.

Hechos 16:33

Qaq nachiso se'eso pe da so ilotague' aso ncoñitaxanaxaqui iÿota'pe naua nhuaxanqa soomayi. Ime, nachi somayi qataq 'enauac so llalaqpi qanachilaxan.

Lucas 24:29

Qalaxayi ÿataqta qaipactega somayi da n'onañi. Nachi qoÿiitega, qoÿiita': –Ña qomi' 'an'onaisopactaxa. Ten, yi mashi avit, qataq yaqta'a da pe. Nachi so Jesús ca'ateu'oguelo soomayi da n'onaisopa.

3 Juan 1:8

Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.

3 Juan 1:5

'Am ñauochaxaua ÿaqaÿa, ÿataqta ÿaÿamaqchiguiñi da 'adataxac, yi 'aupacchigui da qouetapegue' na qadqaÿañicpi, lamaaxa nam ÿaqa'a ca chigaqa'ague.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

Filemón 1:17

Qaq ÿoqo'oyi qom ÿoqta 'eesa da aÿim 'adÿa, qaq ÿataqta qoneta'am aÿim da 'auaconguet namayi.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 5:14

Da lsoxoyic so Cristo nachida da qomi' ÿama'q, cha'ayi qomi' saÿajnaqta da 'oonolec so ileualec 'enauac na shiÿaxauapi, qaq ÿoqo'oyi 'enauac namayipi nataq'en 'eeta'am da ileu.

Romanos 16:23

Qaq aÿim Pablo ñi sootaña na lma' Gayo, ñim natamnaqa' na lma' na 'amqajnataxanaxaicpi, nataq'en qami' ÿamaxalo da lquinaxanaxac. Nataq'en qami' ÿamaxalo da lquinaxanaxac ñi Erasto ñim ilotague' ana alom na la ciudad, qataq ñim qadqaÿa Cuarto.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 8:38

Nachi somayi damaxasoxoolec da qai'axanguet aso nnotaxaqui, nachi soomayi huenotreec, nachi tayingui so 'etaxat. Nachi so Felipe nachilaxan se'eso nta'a.

Hechos 8:12

Qalaxayi co'ollaq qai'amaqten dam no'on qad'axaÿaxac mayi i'axattapeguem somayipi so Felipe co'ollaq i'axattac da ilo'ogue 'enauacna ñi Dios, qataq i'axattac da l'enaxat so Jesucristo, nachi huo'o na ÿallippi qataq na 'alpi na da'amqajnataxan, nachi qanachilaxan.

Lucas 14:23

Nachi so 'aco' 'enapega so l-latac, 'eeta': “Qojec, 'anqo'oneugalo qome naua nqa'aico lta'al qataq naua nqa'aicolqa. Ime, qaq 'anauecauo na laÿipi da yaqto' nnoxoneuo, yaqto' ishit da nlaqchigui na ima'.

Mateo 10:41

Qaq cam ÿaconguet cam l'aqtaxanaxanec ñi Dios, qaq cha'ayi camayi lamaxashic ñi Dios, nachi camayi ÿaconguet cam nshiitenaguec mayi 'eeta'am qanqoÿin aca nshiitenaqte cam n'aqtaxanaxanec. Qaq cam ÿaconguet ca no'on shiÿaxaua, qaq cha'ayi camayi no'on, qaq camayi da qaishiiten, nachi 'eeta'am qanqoÿin aca lashiue cam no'on shiÿaxaua.

Mateo 3:6

Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Hechos 16:31

Nachi soomayi 'ena'po': –Qomyi 'au'amaqten so qadataxala' Jesucristo, yaqto' 'am 'anca'aleec, qataq 'enauac ca 'ai'alaqpi.

Hechos 16:34

Qaq co'ollaq ime, nachi ÿauegueu'alo soomayi ca lma', nachi iqui'axaata'pe. Nachi somayi nataq'en so llalaqpi ÿataqta machiguiñi, souaxat da i'amaqten ñi Dios.