Hechos 16:12 - Nuevo Testamento Toba Sur

¹² Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

Nuevo Testamento Toba Sombrero Negro

¹² Nach'edi jachiyojoĝo'ña da'me jec'otaĝa di'me noic let'adaic Filipos, nach'ega jo'ne 'noĝodijeguem ca'li ga'me Roma laje'pi, nataq'aen nach'ega noic jo'ne yataqachiñe p'ajaye di'me aleua 'me Macedonia. Nach'edi uo'oe gaa'me noloqo'ote da'me jouaqa'ta.

La'aqtaqa Ñim Lo'onatac 'Enauacna 2013

¹² nache sachegoxosoqchiguiña yemaye da ñeqo'onaxa ye nỹecpi ye Filipos. Qaq yi'iye nỹecpi nacheye ye ỹactec da la'amaqchec yi'iye 'alhua Macedonia, nataqa'en huo'o na hueta'a yemaye na chegaqa'a ye nỹecpi ye Roma. Nache huo'oi soua na'axa'te da souaqta'a yemaye.

Hechos 16:12 Referans Kwoze

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Hechos 20:6

Cha'ayi qomi' can ime so na'a'q naponaxaqui mayi huetoigui da qanallic ana pan mayi sa qaÿauo'o ana lalecte, nachi senoxonaxauec, sachigoxosoqchiguiña yi Filipos, senotaxau'a aso barco. Qaq ivi' soua cinco na'axa'te, nachi sovitaxa yi Tróade yim huetra'a soomayi. Huaña yimayi, nachi ivi' soua siete na'axa'te da souaqta'a.

Hechos 16:21

qataq dapaxaguenataxaatrapeguec na 'onataxacpi mayi qomi' sa ishit da saconaxaguet da so'otaq, cha'ayi qomi' romano lashi'.

Hechos 16:9

Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 19:29

Nachi ÿataqta huo'o da l'axa 'enauac so la ciudad. Nachi qaÿaconeu'a so Gayo qataq so Aristarco, soomayi chigoqda'ague da Macedonia, qaq nachi nnaictrague' so Pablo. Nachi soomayi qaÿauecdau'a cam noÿic mayi huaña naxa da qai'ot na ntaxaÿaxac.

Hechos 20:1

Qaq co'ollaq mashi ime se'eso cotaxac, nachi so Pablo iÿaxanoigui na 'amqajnataxanaxaicpi, da yaqto' ÿanem da lqataxac. Ime, nachi ncoyigueetague' somayipi, nqapaltague', nachi taigue da Macedonia.

Hechos 20:3

Huaña yimayi, nachi ivi' tres ca'agoxoiqa da naña. Qaq co'ollaq mashi huotaique da huenoteu'a aso barco da taigue da Siria, nachi somayi l'axaÿaxac da na judiopi ÿauotaique da ÿalauat. Nachi somayi ÿi'iguelaqtegue na llic, tajlec yi Macedonia.

Hechos 27:2

Nachi qomi' senotaxau'a aso barco mayi lashi yi ñigaxasom Adramitio, asomayi taÿa'a na ñigaxasompi yi Asia. Qaq qomi' ÿalectaiguilo nataq'en so Aristarco, som lma' yi Tesalónica mayi huaigui yi 'alhua Macedonia.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

Filipenses 1:5

Cha'ayi qami' nataq'en qanhuañiÿau'a da qau'axachi da no'on qad'axaÿaxac, chigoqchiguiña so na'a'q co'ollaq chita'ague da qauacoñiiguet, chochi ivitta'a nagui.