Hechos 16:1 - Nuevo Testamento Toba Sur

¹ So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

Nuevo Testamento Toba Sombrero Negro

¹ Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

La'aqtaqa Ñim Lo'onatac 'Enauacna 2013

¹ So Pablo queto'ot da llecỹaxac ivitta'a ye nỹecpiolec le'enaxat Derbe qataq ye Listra. Qaq yemaye netaña so nsoq le'enaxat Timoteo maye ỹa'amaqteetac So Jesús. Aso late'e so Timoteo asomaye judío lashe ỹa'amaqteetac So Jesús, qaq so lta'a qalaxaye Grecia le'ec.

Hechos 16:1 Referans Kwoze

2 Timoteo 1:5

Qataq naxa da tachigui iuel dam 'adpi'iÿaxac mayi huosota. De'eda huosota npi'iÿaxac mayi hua'auteguet aso 'adcote Loida qataq aso 'adate'e Eunice. Qaq nagui saÿateeta da nataq'en 'am hueto'ot de'eda npi'iÿaxac.

2 Timoteo 1:2

'Am ÿauotaxat Timoteo, 'ico' 'am ÿalec, 'am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios nataq'en so qadataxala' Jesucristo.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 17:14

Qalaxayi so nqaÿañicpi sa ÿaÿaloxonai' somayi da qaÿamaq, da yaqto' taxaama so loigue aso auaxai. Qaq nda'a't so Silas qataq so Timoteo n'oidaña yi Berea.

2 Ts 1:1

Aÿim Pablo, aÿim soota'agueta na Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'aviitau'a ñi qadta'a Dios qataq so qadataxala' Jesucristo.

Colosenses 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim soota'aguet ñi Timoteo,

Filipenses 2:19

Qaq so qadataxala' Jesús qom huo'otaq nachiso chigoqchigui, qaq saqaÿaloq qome da qami' samaxalo ñi Timoteo, da yaqto' qami' nauaneto, da yaqto' ishit da samachiguiñi qom qami' saÿate'n.

Romanos 16:21

Nataq'en qami' ÿamaxalo da lquinaxanaxac ñi Timoteo mayi ñitaunaxaua, qataq ñi Lucio, Jasón qataq ñi Sosípatro nam iuo' lashi'.

Hechos 14:6

Qalaxayi so Pablo qataq so Bernabé co'ollaq l'axaÿaxa'c de'eda, nachi soomayi naneltaxa'n, tadegue da Listra qataq Derbe, yiimayi nachi huaiguilo yi 'alhua Licaonia. Nachi coleetrapeguelec 'enauac yi'iyi 'alhua.

Hebreos 13:23

Qaq qami' sa'aqtaxanema da so qadqaÿa Timoteo mashi sogote da qaisouec. Qaq qom saqaÿaloq da aÿim nvita, qaq sauec qome da qami' ñoqo'onalo.

1 Timoteo 1:18

'Am ÿalec Timoteo, 'am sami' da ÿaqataxac, cha'ayi ñishitaique da qoquetalec da 'auloctapeguelec da 'ad'onataxanaxac, qalaxayi nachida da 'adpi'iÿaxac, qataq da ÿaÿamaqchiguiñi 'advilÿaxac. 'Aupactelco' qome da 'an'aqtaguec mayi chigaqaigui na Dios l'aqtaxanaxanecpi.

1 Ts 1:1

Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Hechos 19:22

Nachi somayi ÿamaxadegue da Macedonia soua dos lta'u Timoteo qataq so Erasto, qaq somayi ñaq huo'oi soua na'axa'te da ñaq hueta'a yi Asia.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

1 Ts 3:6

Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

1 Corintios 7:14

Cha'ayi ca ÿale mayi sa da'amqajnataxan ividauga da ÿaÿamaxadeeta ñi Dios, souaxat da huadonguet aca 'amqajnataxanaxai. Qaq aca 'alo mayi sa da'amqajnataxan ividauga da ÿaÿamaxadeeta ñi Dios, souaxat da huadonguet ca 'amqajnataxanaxaic. Cha'ayi da sa ishit da nachi 'eetec de'eda, nachi da qadco'oxoqui 'eeta'am na llalaqpi na sa da'amqajnataxanpi. Qalaxayi nagui sogote da mashi ÿaÿamaxadeeta ñi Dios.

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

Filemón 1:1

Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,