Hechos 15:9 - Nuevo Testamento Toba Sur

⁹ Ñi Dios sa ishit da qomi' lca'ataguilo, da yaqto' iÿotauga namayipi. Cha'ayi ñimayi iÿoi' nataq'en naua lquiyaqte namayipi, chigoqchigui naq'en da lpi'iÿaxac.

Nuevo Testamento Toba Sombrero Negro

⁹ Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

La'aqtaqa Ñim Lo'onatac 'Enauacna 2013

⁹ Ñim Lo'onatac 'Enauacna saishet da qomi' lca'ataguilo, da yaqto' iỹotauga namayepi, cha'aye namayepi nataqa'en qaỹapalaxat na lasouaxashetpi co'ollaq ỹa'amaqten So Jesús.

Hechos 15:9 Referans Kwoze

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Hechos 10:28

Nachi so Pedro 'enapego' somayipi, 'eeta': –Qami' qauaÿajñi da na judío l'ecpi ÿasouaxat da l'amqajnataxanaxac, nachi ÿataqta sa qaÿashinguet da ÿaleeguet ca sa lauo' l'ec, huo'otaq da chochi pa'aigui ca lauo' camayi. Qalaxayi ñi Dios aÿim ÿapaxaguenec da sa ishit da huo'o ca samata'ac da nshipaxan, huo'otaq sa qaishiteguet.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Hechos 11:12

Nachi so Espíritu Santo aÿim ÿamaxaguelo soomayi da seca'ateguelo, sa ishit da huo'o ca shictega. Nataq'en huo'oi ne'enaua ñinaictagueto seis qadqaÿa't. Nachi 'enauac da sepa'axaigui ñi lma' so shiÿaxaua.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.

1 Corintios 7:18

Da huo'o ca huo'o ca n'anaxashit na l'oc co'ollaq iÿaxana ñi Dios, qaq nachida sa ishit da ÿaxaneec. Qaq da huo'o ca qaica ca n'anaxashit na l'oc co'olla qaiÿaxana, no'on da nachi 'eetai' da sa ishit da ÿauo'o ca n'anaxashit.

Romanos 9:24

Cha'ayi ñi Dios da qomi' iÿaxanalo, qalaq huo'o na chigoqtoigui naq'en na judiopi, qataq na laÿipi huo'o na chigoqtoigui naq'en na saq judiopi.

Romanos 3:9

Qaq ÿoqo'oyi ¿chaq huá'ague ca 'eetec? ¿Peta'a da qomi' judío lashi' nachi ishit da ñapagaqlec namayipi? ¡'A'i, sa ishit da nachi 'eetec de'eda! Cha'ayi mashi ime da sa'axatta da qomi' judío lashi' qataq nam saq judío l'ecpi da 'enauac souaqto'ot da lamaxasoxonaxac da ñi'itaxaloxo.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Hechos 10:15

Qalaxayi se'eso n'aqtac qataq ÿi'iguelaxalec da 'enapec, 'eeta': –Cam mashi qui'itta naq'en ñi Dios, camayi sa ishit da 'auamata'ac da nshipaxan.