Hechos 15:8 - Nuevo Testamento Toba Sur

⁸ Qaq ñim Dios mayi maichi ÿauatton da nquiyaqteÿaxac, nachi ÿachaxan nam ÿaÿamaxadeetapi da ÿami' so Espíritu Santo, 'eeta'ama naq'en qomi' co'olloxochiyi.

Nuevo Testamento Toba Sombrero Negro

⁸ Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.

La'aqtaqa Ñim Lo'onatac 'Enauacna 2013

⁸ Qaq Ñim Lo'onatac 'Enauacna maye maiche ỹauatton da qarhuennataxac ỹachaxanalo qomi' da nataqa'en na saishet da judiopi da ỹauotec, nache nataqa'en ỹanem So Saqcha'a Na'añaxac Qui'itta, 'eeta'ama qomi'.

Hechos 15:8 Referans Kwoze

Hechos 1:24

Nachi qanqouagaxaueelguete soomayi, qoÿiita': –'Am qadataxala', 'am mayi 'auauatton 'enauac da lquiyaqteÿaxac 'enauac na shiÿaxauapi, ña 'auachaxan ca 'oonolec ne'enaua dos cam 'alca'aguishic,

Hechos 10:47

Nachi so Pedro 'enapeco': –¿Peta'a ishito' da qaillapeguem da huo'otaq qanachilaxan ne'ena shiÿaxauapi mayi tanguit so Espíritu Santo, 'eeta'ama qomi' co'ollaxa?

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 5:37

Nataq'en ñi ita'a mayi aÿim namaq, ñimayi ÿataqta 'eesa naq'en de'eda ñi'aqtaguec. Qaq nai'ctaxa da qami' sa qauauañiÿapega da qau'aqaichigui ca lavilÿaxac ñimayi, qataq sa ishit da qauauattoñi ca lashiguiÿaxac.

Hechos 15:28

Cha'ayi so Espíritu Santo ÿataqta ÿaÿamaxadeeta, nataq'en qomi', da sa ishit da huo'o ca lÿa qami' sachoxolguete sa pa'atta, chaqdata da iuen da qauaÿajñi da 'eeta':