Hechos 15:7 - Nuevo Testamento Toba Sur

⁷ Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Nuevo Testamento Toba Sombrero Negro

⁷ Ca'li jalcote da'me necotaĝa'j qama'le Pedro ñijeguem nataq'aen enaac: —Ami yaqaya'olqa, ami joote auayachiñe queda'me ja cop'a jaa'me jaajo' noloqo'ote queda'me Dios 'yatetelo'te gaa'me jo'ne ja judiopi qaedi qo'yaĝatema da'me onaĝaic 'naqataĝanaĝac, qaedi jogaa'me p'iida'a joñe'me Dios.

La'aqtaqa Ñim Lo'onatac 'Enauacna 2013

⁷ Qaq co'ollaq mashe qaỹoqtegue da ntaxaỹaxac, nache so Pedro nachaañi, nache 'enapeco': –Qami' ỹaqaỹa't, qami' qauaỹaañi da Ñim Lo'onatac 'Enauacna aỹem ỹaconeua'a co'ollaxa, aỹem ỹachegoxottoigui da qoñiita, da yaqto' aỹem sa'axatem da no'on na'axaỹaxac na saishet da judiopi, da yaqto' da'amqaanataxan.

Hechos 15:7 Referans Kwoze

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Hechos 10:20

Qoñishiguem qome, 'aunoteec, nachi qoqueguelo daamayi. Sa ishit da huo'o ca 'ictega, cha'ayi daamayi maichi ÿamaxa'shi.

Filipenses 2:14

Qaq 'enauac cam qau'ochi, qalaq sa ishit da qautaqaitac qataq da qancotaitega't,

Hechos 15:39

Nachi nqalligottrapigui somayi, chochi ivitta'a da nÿottecachi soomayi da lliquiaxa'c. Nachi so Bernabé ÿauec so Marcos, nachi huenoteuo da taigue da Chipre.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 4:25

'Am 'auachigoxotchigui co'ollaxa so Espíritu Santo da i'aqtaxanaxan 'anqa'en so 'adamaxashic David da qoneta': ¿Tá'ainco' na ÿotta'a't shiÿaxauapi yi ÿataqta dalemata, qataq namayipi na lhuennataxaco qaica ca naiguilo?

Hechos 3:18

Qalaxayi de'eda naigui da ÿataqta ipacchiguilo naua 'ena'pe ñi Dios co'ollaq i'aqtaxanaxan so l'aqtaxanaxanecpi da 'eeta': “Que'eca samaq nta'a nca'alaxaqui, camayi ÿataqta huo'o qome da nque'ejnaxac.”

Hechos 1:24

Nachi qanqouagaxaueelguete soomayi, qoÿiita': –'Am qadataxala', 'am mayi 'auauatton 'enauac da lquiyaqteÿaxac 'enauac na shiÿaxauapi, ña 'auachaxan ca 'oonolec ne'enaua dos cam 'alca'aguishic,

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Hechos 10:19

Qaq so Pedro ñaq iuennatapega som lauanaqchic, nachi so Espíritu Santo 'enapego' somayi, 'eeta': –Huo'oi daua tres shiÿaxa'u 'am nmittapigui.

Hechos 15:14

Ñi Simón Pedro qomi' da'aqtaxaatapeguema da 'eetec ñi Dios co'ollaq chita'ague da nqouaguec nam sa ishit da judiopi, nachi ÿauo'o na lca'au'a namayipi da ÿauo'o lalamaxatpi.

Hechos 21:16

Nachi huo'oi soua qadÿata'pe nam 'amqajnataxanaxaicpi mayi lma' yi Cesarea, nataq'en nachi ÿalectaiguilo soomayi so chigaqa'ague da Chipre, somayi l'enaxat Mnasón. Qaq somayi mashi sa lcoshi'igue da 'amqajnataxanaxaic. Qaq nachiso so 'eetega da qadanataqa' ca lma' da sovidaq.