Hechos 15:39 - Nuevo Testamento Toba Sur

³⁹ Nachi nqalligottrapigui somayi, chochi ivitta'a da nÿottecachi soomayi da lliquiaxa'c. Nachi so Bernabé ÿauec so Marcos, nachi huenoteuo da taigue da Chipre.

Nuevo Testamento Toba Sombrero Negro

³⁹ Yataqachiñe eja da'me ja niyamaĝadidiye ca'li qama'le nañoĝodeta da'me qolaĝayelo: Bernabé lequiaĝaua ñe'me Marcos qama'le nedañgui jaga'me licota yec'adeta di'me Chipre,

La'aqtaqa Ñim Lo'onatac 'Enauacna 2013

³⁹ Nache nqallegottrapigui somaye, choche ivitta'a da nỹoteca'ache soomaye da llecỹaxa'c. Nache so Bernabé ỹauec so Marcos huenotreua'a aso notaxaqui maye quiguingui na 'etaxat, da taita añi ỹaqa'ata 'alhuole le'enaxat da Chipre.

Hechos 15:39 Referans Kwoze

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.

Santiago 3:2

Cha'ayi 'enauac huo'oi naua qadsomaxaco. Qaq da huo'o ca sa ishit da huo'o ca lsomaxac da detaqa, que'eca shiÿaxaua ÿataqta nalochiguiñi, cha'ayi ÿataqta ÿaÿaten da ilo'ogue 'enauac da l'oquiaxac.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Hechos 27:4

Nachi qaltaq soqolqa'ai yi Sidón, ñilegaqtelec yi 'alhuolec Chipre, pa'aÿa'ague da qan'emaq, cha'ayi souaxat so l'at da sataqta'aguet.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 12:12

Qaq tatapigui lauel de'eda so Pedro, nachi nqo'ona ca lma' aso María mayi late'e so Juan, da lÿa l'enaxat Marcos. Qaq somayi nachi hueta'a so qalota shiÿaxauapi lapoota'a't, nqouagaxaueetac.

Hechos 15:37

Nachi so Bernabé ÿauotaique da nauectrague' so Juan Marcos.

1 Pedro 5:13

Qaq nam 'amqajnataxanaxaicpi mayi netaña na Babilonia, nam lca'aguishicpi ñi Dios mayi 'eeta'am da qoñiita, namayipi qami' ÿamaxalo da lquinaxanaxac, qataq nataq'en ñim 'eeta'am da ÿalec Marcos.