Hechos 15:3 - Nuevo Testamento Toba Sur

³ Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

Nuevo Testamento Toba Sombrero Negro

³ Chane'eja lamaĝa's ca'li ga'me p'etaqadaiquipi jo'ne Antioquía laje', mane'e da'me tadelegue di'me aleua jo'ne Fenicia nataq'aen Samaria 'yaĝatetedac da'me eeta ca'li ga'me ja judiopi queda'me yaĝadegue joda'me toye's lepe'eco qaedi quetegue ñe'me Dios. Chane'eja ena'uaque jogaa'me qadaqaya'olqa jalcote made'tapolqa ca'li domachita da'me dojo' 'naqataĝanaĝac.

La'aqtaqa Ñim Lo'onatac 'Enauacna 2013

³ Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

Hechos 15:3 Referans Kwoze

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 21:5

Qaq can inoxoodeec soua siete na'axa'te, nachi qaltaq qolaq. Nachi 'enauac so 'amqajnataxanaxaicpi lÿatac na n'alpi qataq na llalaqpi da qomi' icaadaueegue da laÿi yi la ciudad. Qaq can sovidaqaama so loigue, nachi qomi' sa'adaxayiñi naua qadllicte, nachi ñoqouagaxauenaqtac.

Tito 3:13

Ÿataqta 'anpogoxoinapegue' qome da 'autauan so Apolo qataq so Zenas mayi l'onataxanaxac da iuejlec ca huo'o ca ÿasouaxat. 'Autauanque soomayi 'enauac na lhueneguesat da lliquiaxa'c, yaqto' qaica ca iue'n.

1 Corintios 16:11

Ÿoqo'oyi qaica ca 'oonolec da qoñiita da i'otan somayi. Chaqdata da qautauañiic da lliquiaxac, yaqto' qaica ca da. Cha'ayi seuattaique camayi nataq'iñi caua lÿa't qadqaÿa't da yaqto' ñauaneto.

1 Corintios 16:6

Qaq huo'otaq cada'ac da qami' soota'agueta, huo'otaq sovidaxatteec na n'omaxa da qami' soota'agueta, nachi qom ime, qaq ishit da aÿim qautauañi da ÿiquiaxac cam sata'ague.

Romanos 15:24

Qalaxayi aÿim seuatta'a qom huo'otaq ishit da saigue da España, nachi qami' saÿalguete da qami' ñamaqtegalo. Qaq qom mashi nmeta da qami' ñauaneto, nachi huo'o da ñaquitaxac da ishit da aÿim qautauañi, da yaqto' sevida'ague damayi.

Hechos 15:12

Huaña, nachi 'enauac somayipi ÿi'imaqtom. Nachi qan'axaÿaxana so Bernabé qataq so Pablo da i'axattrac na n'anecpi qataq nam sa qaÿauanapega da i'ot ñi Dios, ÿachigoxotchiguilo soomayi da huaigui naq'en nam sa ishit da judiopi.

2 Corintios 1:16

Tatapigui iuel da qami' satelguete co'ollaq ñanaÿa'ague na Macedonia. Qaq da shi'iguelaq, nachi ltaq saÿalguete da qami' ñamaqtegalo, yaqto' qami' ishit da aÿim qautauañi, qom ivita da saigue da Judea.

Hechos 28:15

Qaq som qadqaÿañicpi mayi netaña yi Roma mashi huo'o da l'axaÿaxac da shinaqta; nachi somayipi qomi' huaqata'agueta. Huo'o na nqatauga yi nmenqa' so Apio, qataq yim l'enaxat tres mataqa'te. Qaq can ilaigui somayipi so Pablo, nachi ÿanot da n'achic ñi Dios, nachi ÿataqta nomteguet da l'añaxac.

Hechos 13:52

Qalaxayi nam da'amqajnataxanpi ÿataqta huo'o da ntonaxac qataq nlaqchigui so Espíritu Santo.

Hechos 13:48

Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

Hechos 8:14

Nachi soua Jesús lamaxa'shi mayi nejdaña yi Jerusalén co'ollaq ÿaÿate'n da na netaña yi Samaria i'amaqten da l'aqtac ñi Dios, nachi qaÿamaxa yimayi so Pedro qataq so Juan.

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Hechos 15:4

Nachi so Pablo qataq so Bernabé co'ollaq ivildeu'a yi Jerusalén, nachi na 'amqajnataxanaxaicpi qataq soua Jesús lamaxa'shi, qataq soua nataxala'te ÿataqta ÿoqochi'igueta soomayi. Nachi soomayi i'axattrac 'enauac nam i'oteque ñi Dios soomayi.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 15:32

Cha'ayi som Judas qataq so Silas, soomayi nataq'en l'aqtaxanaxanqa ñi Dios. Nachi soomayi i'añaqchi't qataq huaqattrega so nqaÿañicpi, ÿataqta lta'adaic da lqataxa'c.

Hechos 17:15

Nachi soua nnaictagueto so Pablo ivittra'ague da la ciudad Atenas. Qaq co'ollaq ime, nachi ñi'iguela'q, nachi nachitrac da l'aqtac somayi da 'enapegalo so Silas qataq so Timoteo da sa naÿaloxo'n da ana'c da nqo'ooda somayi.

Hechos 20:38

Nachi somayipi ÿataqta daquico, cha'ayi so Pablo 'enapec yi nachi tachiguiña da sa ishit da qaltaq qanauane'. Ime, nachi qannaicapegue', qaividaxattauga aso barco.