Hechos 15:28 - Nuevo Testamento Toba Sur

²⁸ Cha'ayi so Espíritu Santo ÿataqta ÿaÿamaxadeeta, nataq'en qomi', da sa ishit da huo'o ca lÿa qami' sachoxolguete sa pa'atta, chaqdata da iuen da qauaÿajñi da 'eeta':

Nuevo Testamento Toba Sombrero Negro

²⁸ Qa'a 'noota q'aen ñe'me Dios Lepaqal 'me ja 'nalegue nataq'aen qo'mi, da'me ja ami 'te jachaqalo'te gamachaqaega adi'yaqui niyaqa'alo naa'me naajo' uo'oe jo'ne auoviñetaque ta'le aĝañidiñi:

La'aqtaqa Ñim Lo'onatac 'Enauacna 2013

²⁸ Cha'aye So Saqcha'a Na'añaxac Qui'itta ỹaỹamaxareeta damaye, qataq qomi', da saishet da huo'o ca lỹa qami' samaxasoxoleguete, nachaqrata da iuen da qauaỹaañi de'era maye 'eeta':

Hechos 15:28 Referans Kwoze

Juan 16:13

Qalaxayi qom anac cam Espíritu mayi ÿoqta 'eesa, nachi camayi qami' ÿapaxaguenque 'enauac nam lataxaguesat mayi 'eesa; cha'ayi camayi sa ishit da maichi nalligoxottela't ca l'aqtaxanaxac, chaqdata da i'axat 'enauac nam hua'aqchigui, qataq qami' ÿaÿajnaxanaxanque cam ñaq naÿa'cna.

Mateo 11:30

Qaq dam ÿachoxonaxala' mayi qami' sachilguete, damayi ÿataqta qaica ca lqalaic da qaÿachi, qataq dam qayi'aqui mayi qami' sachilguete ÿataqta huaÿoxootac da qaÿachi.

Apocalipsis 2:24

Qalaxayi qami' mayi qoñiitaña na Tiatira mayi sa ishit da qoquiigue de'eda napaxaguenataxanaxac qataq sa ishit da qavichiÿa da qauauattoñi dam qoÿiitega saq cha'a lataxac so Satanás, qaq aÿim qami' shinapegalo da sa ishit da qaltaq sauo'o ca lÿa qami' sachilguete.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

1 Corintios 7:40

Qalaxayi acamayi ÿataqta ÿacteec da machiguiñi da sa ishit da ÿi'iguelaxalec da ladonaxac. Qaq 'eda da iuennataxac, cha'ayi aÿim nataq'en sa'amaqten da aÿim netanguit so Espíritu mayi chigoqo'ot ñi Dios.

Hechos 15:19

Qaq ÿoqo'oyi nagui qami' shinapegalo da sa ishit qome da sa qaualemaxachi nam sa ishit da judiopi, mayi mashi ÿaxaneec dam toguishic l'amqajnataxanaxac, nachi quegue ñi Dios.

Hechos 15:8

Qaq ñim Dios mayi maichi ÿauatton da nquiyaqteÿaxac, nachi ÿachaxan nam ÿaÿamaxadeetapi da ÿami' so Espíritu Santo, 'eeta'ama naq'en qomi' co'olloxochiyi.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

Hechos 15:25

Qaq ÿoqo'oyi 'enauac da shinaqta saÿamaxadenaqta da sauoqo'oi ne'enaua qadqaÿa't, da yaqto' qami' nqo'onalo, nachi lÿata'pe naua qanauochaxa'u qadqaÿa't Bernabé qataq Pablo,

Mateo 23:4

Cha'ayi namayipi icoñiyiñi na ñi'ac qapa'atta mayi sa ishit da huo'o ca ÿañoxot da ÿachi, nachi ÿachilec naq'en na shiÿaxauapi. Qalaxayi namayipi sa ishit da chochi 'oonole llaxaata aca ÿaconeu'a naq'en.

Hechos 16:4

Nachi 'enauac nam pueblopi mayi tajdelec, da'aqtaxaatrapeguem dam lqataxa'c soua Jesús lamaxa'shi qataq soua lÿa't nataxala'te mayi netraña yi Jerusalén.