Hechos 15:25 - Nuevo Testamento Toba Sur

²⁵ Qaq ÿoqo'oyi 'enauac da shinaqta saÿamaxadenaqta da sauoqo'oi ne'enaua qadqaÿa't, da yaqto' qami' nqo'onalo, nachi lÿata'pe naua qanauochaxa'u qadqaÿa't Bernabé qataq Pablo,

Nuevo Testamento Toba Sombrero Negro

²⁵ Qo'che' qadalo'ta't da'me qadelnataĝac, queda'me jenaqatapega 'noota ta'le uo'oe gaa'me jiyaĝanaĝanalo jo'ne qo'mi chiyaqauelo qaedi ami dec'atenaĝaneguelo nataq'aen naajo' qadaqaya'olqa jo'ne jauotaĝaque Bernabé choqoñe'me Pablo,

La'aqtaqa Ñim Lo'onatac 'Enauacna 2013

²⁵ Qaq ỹoqo'oye 'enauac da shenaqta, saỹamaxarenaqta da sauoqo'oi ne'enaua qarqaỹa't, da yaqto' qami' nqo'onalo, nache lỹata'ape naua qanauochaxau' qarqaỹa't Bernabé qataq Pablo,

Hechos 15:25 Referans Kwoze

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

Lucas 1:3

Qaq aÿim nataq'en mashi ñimate' da ñapaxagueetega 'enauac so chigoqchiguiña ne'ena qai'otpi. Qaq ÿoqo'oyi aÿim ÿaÿamaqchiguiñi ñaqshin da shiyiñi 'enauac ne'ena qai'otpi, da 'am samaxa, 'am ñauochaxaua ÿaqaÿa Teófilo,

Filemón 1:16

Qaq nagui namayi sa ishit da 'ico' 'adlatac. Cha'ayi namayi saq 'en'am ca chochi nlatac, cha'ayi namayi 'eeta'am ca 'anauochaxaua 'adqaÿa. Namayi ÿataqta sauotec, qalaxayi ÿataqta ÿacteec 'anqa'en qome da 'adauochi. Sa ishit da chaqdata da 'auauotec, cha'ayi qoneta'am shiÿaxaua, cha'ayi namayi 'eeta'am ca 'adqaÿa 'ad'amqajnataxanaxaua so qadataxala'.

Colosenses 4:9

Qaq ñimayi nnaictague' qome ñi Onésimo ñim qanauochaxaua qadqaÿa qataq qadpe'et. Ñimayi maichi qami' chigoqtoiguilo co'ollaxa. Qaq ñiimayi qami' da'aqtaxanema qome 'enauac nam hueta'a ne'ena souaqta'a.

Colosenses 4:7

Qaq ñim qanauochaxaua qadqaÿa Tíquico mayi ÿataqta qadpe'et qataq qad'onataxanaxaua da so'onataxanqot so qadataxala', ñimayi qami' i'axatema qome ca qad'axaÿaxaqui da shiita.

Efesios 6:21

Qaq ñi Tíquico mayi qanauochaxaua qadqaÿa qataq nachi 'eetai' da saq ÿaxaañi da qomi' itauaata'pe da l'onataxanaxac so qadataxala', ñimayi ima qome da qami' i'axatema da shiita, qataq nam so'ottacpi.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Romanos 16:12

Nataq'en samaxa da iquinaxanaxac aca Trifena qataq aca Trifosa mayi do'onataxaatracot so qadataxala', qataq nataq'en aca qanauochaxaua qadqaÿa Pérside mayi qalota da ldaxac da i'ottac da l'onataxanaxac so qadataxala'.

Hechos 15:35

Nataq'en so Pablo qataq so Bernabé, soomayi n'oidaña yi Antioquía. Nachi soomayi, nataq'en huo'o na qalota laÿipi', queto'oto da lapaxaguenataxanaxa'c da i'axattrac da l'aqtac so qadataxala'.

Hechos 15:6

Nachi soua Jesús lamaxa'shi qataq soua lÿa't nataxala'te ÿauo'oi so ltaxaÿaxa'c, da yaqto' qailaique ca lataxac de'eda.

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Mateo 11:26

Aja', 'am ita'a, cha'ayi nachida dam maichi 'adhuennataxac.