Hechos 15:24 - Nuevo Testamento Toba Sur

²⁴ Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Nuevo Testamento Toba Sombrero Negro

²⁴ “Qo'mi jayatenaq queda'me uo'oe gaa'me chiyoda'ña jena'me jenjo' jo'ne ja yachitedac da'me qadamaĝajoĝonaĝac, nataq'aen queda'me yeloiquiaĝa'ape jogaa'me 'laqataqa, nataq'aen queda'me ja ami 'te yataĝalo'te q'ae'n.

La'aqtaqa Ñim Lo'onatac 'Enauacna 2013

²⁴ Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Hechos 15:24 Referans Kwoze

Gálatas 5:12

Qaq nam shiÿaxauapi mayi sa ishit da qami' ÿalemaxa't da qami' ÿileeta'pe da qau'ochi ca qan'anaxachi, ¡no'ono' namayipi da ña imauec da n'aqchit da l'oquiaxac!

Gálatas 5:10

Qaq nachiso som qadataxala' so chigoqo'ot da ñaquitaxac da qoñiita da sa ishit da ÿaqa'a ca qadhuennataxaqui. Qalaxayi ñi Dios ÿauo'o qome ca nhuaxanaguec ca camachaqca shiÿaxaua mayi sa ishit da qami' ÿalemaxa't.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Gálatas 1:7

Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

Gálatas 5:4

Qaq qami' mayi qaupi'itaxañiitega da qami' ÿaÿamaxadeete' ñi Dios souaxat da qau'ochiitac nam nqataxacpi, nachi qami' ÿataqta qoquiÿa'ai so Cristo qataq da lsoxoyic ñi Dios.