Hechos 15:23 - Nuevo Testamento Toba Sur

²³ Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Nuevo Testamento Toba Sombrero Negro

²³ qama'le jogaa'me qoyamaĝaguelo jana'me janjo' nediije: “Qo'mi jo'ne namaĝa's nataq'aen 'yaĝaicachidi mach'e adaqayadi'; qadamaic ami janemaĝama, ami qadaqaya'olqa jo'ne ja judiopi, nataq'aen 'me oñiya'ña di'me Antioquía, nataq'aen di'me aleua Siria choqodi'me Cilicia.

La'aqtaqa Ñim Lo'onatac 'Enauacna 2013

²³ Nache soomaye ỹache' qanqa'e'n aso nere maye huetalec da na'aqtac, 'eeta': «Qomi' Jesús lamaxa'she qataq naua qarỹa't lataxala'ate na 'amqaanataxanaxaicpi maye hueta'a na nỹecpi na Jerusalén, qomi' samaxasaxa da qarquinaxanaxac na qarqaỹañicpi maye saishet da judiopi, maye netaña ye Antioquía qataq ye 'alhua Siria qataq ye Cilicia.

Hechos 15:23 Referans Kwoze

Hechos 23:26

“Aÿim Claudio Lisias, 'am samaxa da iquinaxanaxac, 'am ñauochaxaua ita'a Félix.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Gálatas 1:21

Qaq co'ollaq ime de'eda, nachi ñoqo'ona yim 'alhua Siria qataq yi Cilicia.

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

3 Juan 1:14

Cha'ayi seuata'a qom huo'otaq saqaÿaloq da 'am ñauane', nachi ÿataqta ñima'ai' da 'am setaqtapegue'.

2 Juan 1:13

Qaq nam llalaqpi añi 'adqaÿa 'am ÿamaxa da lquinaxanaxac, añim nataq'en lca'aguishi ñi Dios. Aja', nachi 'eetec.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

2 Juan 1:3

Qaq ñim qadta'a Dios qataq so qadataxala' Jesucristo som llalec ñimayi qami' ÿanema qome da lqouagaxanaqtaic qataq da lchoxonnataxanaxa qataq da l-lagaxayic. Qaq damayi qauacoñiiguet qami' mayi qauauattoñi da n'aqtac mayi 'eesa qataq da qanchoxonñiÿa't.

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Hechos 15:4

Nachi so Pablo qataq so Bernabé co'ollaq ivildeu'a yi Jerusalén, nachi na 'amqajnataxanaxaicpi qataq soua Jesús lamaxa'shi, qataq soua nataxala'te ÿataqta ÿoqochi'igueta soomayi. Nachi soomayi i'axattrac 'enauac nam i'oteque ñi Dios soomayi.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 21:25

Qaq nam sa ishit da judiopi mayi mashi da'amqajnataxan, qalaxayi mashi sauoqo'o co'ollaxa aso qodede da shinaqtega, da yaqto' sa ishit da taÿapegueu'a de'eda qan'onataxac. Chaqdata da namayipi sa ishit qome da chic na lapat nam mashi qoÿanot na nqolacpi, qataq sa ishit da chic na ntago'q qataq na lapat ca chochi ichigueuo na lqosot, qataq sa ishit qome da huo'o ca ncachitague' aca sa lhua.

Hechos 21:3

Qaq can soqolaqta, nachi chochi seloqtau'a yi 'alhuolec Chipre pa'aÿa'ague da qan'emaq, nachi chochi sovidaqta'a yi Siria. Qaq cha'ayi aso barco qanÿoxoñi na l'ec can huaña yi ñigaxasom Tiro, nachi saxau'a yimayi.

Hechos 18:18

Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 11:20

Qalaxayi huo'o na 'amqajnataxanaxaicpi mayi chigaqa'ague da Chipre qataq da Cirene na nvita yi la ciudad Antioquía. Nachi namayipi nataq'en da'aqtaxanem nam sa ishit da judiopi, da i'axatem dam no'on qad'axaÿaxac mayi n'aqtaguec so Jesús mayi qadataxala'.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.