Hechos 15:20 - Nuevo Testamento Toba Sur

²⁰ Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

Nuevo Testamento Toba Sombrero Negro

²⁰ Jaldata da'me jedenaqatenaĝalo jaga'me qadediije qaedi queda'e yema ga'me jo'ne t'aĝanataĝa'n nale jouaĝat ga'me qop'iyapegalo, 'noota ta'le t'oida'aguet ga'me nonáĝaco jo'ne ja qoyajeta nataq'aen 'noota ta'le ja yali'j ga'me lapat ga'me jiyac jo'ne ouaĝaic uotaĝa jaga'me tauo'.

La'aqtaqa Ñim Lo'onatac 'Enauacna 2013

²⁰ Nachaqrata da qomi' sauoqo'o aca qorere da taỹa'a namayepi da shenaqapega da ỹaxaañi da chec na nallec maye mashe qoỹanot na ne'enaqtacpi maye qanatameetacotpi, qataq saishet da huo'o ca ncachetague' aca saishet da lhua, qataq saishet da chec na lapat ca choche ichegueuo na lqosot, huo'otaq ca 'ogaxaic maye sa qaicolde'c naua ltago'q qataq saishet da chec na ntago'q.

Hechos 15:20 Referans Kwoze

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

Hechos 21:25

Qaq nam sa ishit da judiopi mayi mashi da'amqajnataxan, qalaxayi mashi sauoqo'o co'ollaxa aso qodede da shinaqtega, da yaqto' sa ishit da taÿapegueu'a de'eda qan'onataxac. Chaqdata da namayipi sa ishit qome da chic na lapat nam mashi qoÿanot na nqolacpi, qataq sa ishit da chic na ntago'q qataq na lapat ca chochi ichigueuo na lqosot, qataq sa ishit qome da huo'o ca ncachitague' aca sa lhua.

1 Corintios 6:18

Ÿoqo'oyi qauataiueguesop da nquishiguetaxac. Na laÿipi sa ÿaÿamaxañi mayi ishit da i'ot ca shiÿaxaua, namayipi sa ishit da pa'aigui da l'oquiaxac. Qalaxayi cam quetaigui da lquishiguetaxac, qaq camayi maichi ÿasouaxat da lalamaxat l'oquiaxac.

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

Apocalipsis 9:20

Qalaxayi nam n'onañi shiÿaxauapi mayi sa ishit da ileema se'esoua napaxaco ñaqaiyita sa ishit da ÿaxaayiñi naua qauema mayi i'otta'pe. Qataq sa ishit da ÿaxaañi da natameetacot nam saq cha'api qauemaicpi, qataq nam nqolacpi mayi chigaqaigui qanqoÿin na oro, plata, bronce, coma', qataq na qo'ipaq mayi sa ishit da demejnaxan, qataq sa ishit da hua'aqa, qataq sa ishit da queuoÿapigui'.

1 Pedro 4:3

Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Efesios 5:3

Qaq cha'ayi qami' lalamqa'te ñi Dios, qaq no'on da sa ishit qome da qami' chimaxanguilo da huo'o ca quishishaxac qataq 'enauac nam laÿipi mayi ishit da deshipaxanaqtaxan, huo'otaq da qaÿoqopita'a ca ÿaqa'a.

Gálatas 5:19

Huaña, nachi ishit da saq alaq da qaila'a na n'onataxacpi cam quetague' da maichi lapachiyaxac, 'eeta': lauatapiguiñi' aca sa ishit da lhua, qataq i'ottac nam ishit da deshipaxanaqtaxan, qataq qopitaxanaqtaqaic,

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

1 Corintios 7:2

Qalaxayi souaxat da huo'o na quetaigui da lquishiguetaxac, qaq no'on ca 'oonolec shiÿaxaua da ÿauo'o aca lalamaqte lhua, qataq aca 'alo ÿauo'o ca lalamaxat lhua.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

Apocalipsis 10:8

Nachi so n'aqtac mayi sa'aqtega chimaqtacot na piguem qaltaq ÿi'iguelaxalec da aÿim 'enapega, 'eeta': –'Asoma qome, 'auacona ada nedole ÿauattagui mayi huetaigui na lhuaq lauel dam namaxashic piguem l'ec mayi petalec ana auaxai qataq ana 'alhua.

Apocalipsis 10:2

Nataq'en lasoqta'a aso nedole ÿauattagui. Nachi na lapia' mayi aloic petalec naq'en aso auaxai, qataq na n'emaq, qalaq petalec naq'en na 'alhua.

Hebreos 12:16

Qataq sa ishit qome da huo'o ca 'oonolec da qoñiita da ncachitapegue' aca sa lhua, qataq da i'otan cam chigoqo'ot ñi Dios. Cha'ayi damayi nachida da 'eetec so Esaú co'ollaq imen dam qaÿaqataxaatapigui' da talec, cha'ayi n'auaxanec ñalec.

2 Corintios 12:21

Qataq ÿataqta huo'o da itelaxa da qom ivita da qami' ñamaqtegalo, qalaq ñi ita'a Dios ÿataqta huo'o naq'en da i'aloxo souaxat da qoñiita, qataq da ÿataqta lta'adaic da ñinoinaxac souaxat nam qalota da qoñiita mayi mashi qaÿoqtegue da huo'o na lasouaxashitpi, qalaq sa ishit da ÿaxaneec ca ishipaxanaqchit da nachaalataxac, qataq dam quishiguetaxac, qataq nam nqopitaxanaqtaiguesat mayi qai'ottac.

1 Corintios 6:13

'Eesa quenaxa da n'aqtac da 'eeta': Ca nallic qai'ot da tangui ana qad'am, qaq ana qad'am qai'ot da yaqto' ÿaconguet ca nallic. Qalaxayi ñi Dios taÿa'a da nlaxajyiñi ne'enaua dos. Qaq sa ishit da qai'ot da qad'oquiaxac da taÿaigui da nquishiguetaxac. Chaqdata da qai'ot damayi da lalamaxat so qadataxala', qaq so qadataxala' anac da nca'alaxateec da qad'oquiaxac.