Hechos 15:19 - Nuevo Testamento Toba Sur

¹⁹ Qaq ÿoqo'oyi nagui qami' shinapegalo da sa ishit qome da sa qaualemaxachi nam sa ishit da judiopi, mayi mashi ÿaxaneec dam toguishic l'amqajnataxanaxac, nachi quegue ñi Dios.

Nuevo Testamento Toba Sombrero Negro

¹⁹ “Chane'eja yiyamaĝaden da'me ena'te auachiyalo'te ga'me li'yacochi'j jo'ne ja youetedaque ga'me ja judiopi, dite da'me yaĝadiñi ga'me toye's lepe'eco qaedi male quetegue ñe'me Dios.

La'aqtaqa Ñim Lo'onatac 'Enauacna 2013

¹⁹ Qaq nam saishet da judiopi maye ỹasat da quegue Ñim Lo'onatac 'Enauacna. Namayepi saishet qome da shenaqapega da ỹalaxalec na namaxasoxonaxacpi maye sa qaiuen.

Hechos 15:19 Referans Kwoze

Hechos 15:28

Cha'ayi so Espíritu Santo ÿataqta ÿaÿamaxadeeta, nataq'en qomi', da sa ishit da huo'o ca lÿa qami' sachoxolguete sa pa'atta, chaqdata da iuen da qauaÿajñi da 'eeta':

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

Hechos 15:10

Qaq ÿoqo'oyi nagui qami', ¿tá'ainco' yi qauqolliguichiitac dam i'ot ñi Dios, qataq qauasaqaitapeguelec na sa ishit da judiopi da sa pa'atta mayi qomi' nataq'en sa ishit da sachoq, ivida'a nataq'en som hua'au qadta'alpi?

Hechos 21:21

Qaq namayipi l'axaÿaxac da 'am 'auapaxagueetapegueco' 'enauac nam judiopi mayi neta'alo naua ÿaqa'alo' 'ale'u, da yaqto' sa ishit da ÿalaxaguet nam lqataxacpi so Moisés, qataq qonetego' da yaqto' sa ishit da ÿauo'o na n'anaxat na l'oc na llalec, qataq ÿaxaneec na maichi qan'onataxacpi.

Hechos 21:25

Qaq nam sa ishit da judiopi mayi mashi da'amqajnataxan, qalaxayi mashi sauoqo'o co'ollaxa aso qodede da shinaqtega, da yaqto' sa ishit da taÿapegueu'a de'eda qan'onataxac. Chaqdata da namayipi sa ishit qome da chic na lapat nam mashi qoÿanot na nqolacpi, qataq sa ishit da chic na ntago'q qataq na lapat ca chochi ichigueuo na lqosot, qataq sa ishit qome da huo'o ca ncachitague' aca sa lhua.