Hechos 14:7 - Nuevo Testamento Toba Sur

⁷ Huaña yimayi, nachi qaltaq i'axattrac da no'on qad'axaÿaxac.

Nuevo Testamento Toba Sombrero Negro

⁷ jo'ne ueda'a da'me nach'e ena'am 'yaĝatetedac da'me onaĝaic 'naqataĝanaĝac.

La'aqtaqa Ñim Lo'onatac 'Enauacna 2013

⁷ Huaña yemaye, nache qaltaq ỹa'axattrac da no'on na'axaỹaxac.

Hechos 14:7 Referans Kwoze

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 14:15

–¡Qami' ÿallippi! ¿Tá'ainco' yi nachi qoñiitec de'eda? Qomi' nachi qami' shinaqta'ama, chochi qomi' shiÿaxa'u. Qalaxayi nachida da huo'o mshi ñanaguenaq da qami' shinaqpegalo da qai'axañiiuec na chochina qaica ca naigui, nachi qoquiigue ñi Dios mayi nca'altauec, ñim l'onatac na piguem, 'alhua, auaxai qataq 'enauac na huetalecna.

Hechos 17:2

Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

Hechos 11:19

Qaq co'ollaq mashi qaÿalauat so Esteban, nachi chigoqchiguiña da nataq'en qaicanaxangui na laÿipi 'amqajnataxanaxaicpi, nachi namayipi datauec. Huo'o na taigue da Fenicia, Chipre, qataq da Antioquía. Huañalo ne'enaua 'ale'u, nachi qai'axattac da no'on qad'axaÿaxac, qalaxayi qandoxotteec na judiopi, qaq na laÿipi shiÿaxauapi sa ishit da qai'aqtaxanem.

Hechos 8:4

Qalaxayi nam nlagaxattacpi mayi chigaqaña yi Jerusalén, namayipi i'axattac da n'aqtac mayi chigaqaigui da nca'alaxa, da huo'o da ividegue.