Hechos 14:4 - Nuevo Testamento Toba Sur

⁴ Qalaxayi nam shiÿaxauapi mayi netaña se'eso la ciudad, namayipi nÿodacachi, huo'o na iuejlec na judiopi qataq huo'o na iuejleguete soua Jesús lamaxa'shi.

Nuevo Testamento Toba Sombrero Negro

⁴ Qalaĝaja ga'me jiyaĝadipi colaĝaye ca'li ga'me noic, uo'oe ga'me yotaua'n ga'me judiopi nataq'aen laqaya' yotaua'n gaa'me namaĝa's.

La'aqtaqa Ñim Lo'onatac 'Enauacna 2013

⁴ Qalaxaye nam shiỹaxauapi maye netaña ye Iconio, namayepi sa ỹaỹaten ca 'eetec, qaq ỹoqo'oye huo'o na itauaatac na judiopi, qataq huo'o na itauaatac so Pablo qataq so Bernabé.

Hechos 14:4 Referans Kwoze

Hechos 28:24

Nachi huo'o na i'amaqten da l'aqtaxanaxac so Pablo, qataq huo'o na sa ishit da i'amaqten.

Hechos 19:9

Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.

Hechos 14:14

Qalaxayi soua Jesús lamaxa'shi Bernabé qataq Pablo co'ollaq nomra de'eda, nachi soomayi ncolaxata'alo naua alogo, nachi tadoigui na shiÿaxauapi, nachi i'alaqta'pe, 'eeta':

1 Corintios 9:5

qataq nataq'en da ñinaictague' aca iua 'amqajnataxanaxai, 'eeta'am da 'eetec na laÿipi lamaxashicpi so qadataxala' Jesús, qataq soua lalamqa'te lqaÿa't, nataq'en so Pedro.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Juan 7:43

Nachi na shiÿaxauapi nÿodacachi da lhuennataxac souaxat so Jesús.

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Hechos 14:5

Nachi nam judiopi qataq nam saq judiopi naÿamaxate' na nta'alpi da qaitaxaÿapiguilo soomayi, da yaqto' sa qaÿalemaxa't qataq da qaÿasa'q na coma'.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

1 Ts 2:14

Qami' qadqaÿa't, co'ollaq qami' icaata'pe da saq qami' ÿalemaxa't na maichi qadhuo'oi l'ecpi. Qaq de'eda qami' qai'oteque nachi 'eeta'am dam qai'otec na quetague' ñi Dios mayi netaña yi Judea, nam i'amaqteetac so Cristo Jesús. Namayipi nataq'en saqalota da ncanaguec. Qaq de'eda ncanaguec chigaqaigui na maichi lauo' l'ecpi judiopi.