Hechos 14:1 - Nuevo Testamento Toba Sur

¹ Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Nuevo Testamento Toba Sombrero Negro

¹ Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

La'aqtaqa Ñim Lo'onatac 'Enauacna 2013

¹ Co'ollaq so Pablo qataq so Bernabé ivilda ye nỹecpi ye Iconio, nache soomaye nqo'ooreua'a aso napaxaguenaxaqui na judiopi. Huaña, nache ỹa'axattrac So Jesús da'aqtaxaatrapeguem na shiỹaxauapi. Nache ỹataqta qalota na da'amqaanataxan nam judiopi, qataq ivira'a nam saq judiopi.

Hechos 14:1 Referans Kwoze

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Hechos 13:51

Huaña, nachi soomayi ichigoxodeec na namoxoÿaxa naua lapia'te, qaq damayi nachi l'anaxat da maichi nasouaxajla't somayipi. Nachi soomayi nqo'ooda yi la ciudad Iconio.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hechos 19:17

Nachi 'enauac na netaña yi Éfeso judío l'ecpi qataq nam sa ishit da judiopi ÿaÿaten de'eda, nachi ÿataqta qalota da lcolanaxa. Nachi namayipi 'eetac da ÿataqta lta'adaic da lli'oxoyic da l'enaxat so qadataxala' Jesús.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 17:12

Huaña, nachi ÿataqta qalota so da'amqajnataxan namayipi, nataq'en nam griego l'ecpi ÿataqta qalota na da'amqajnataxan ÿallippi qataq nam 'alpi mayi ÿi'oxodaipi.

Hechos 17:4

Nachi huo'o nam judiopi na da'amqajnataxan, nachi quegue so Pablo qataq so Silas. Nataq'en qalota na da'amqajnataxan na griego l'ecpi mayi nachi 'eetai' da quetague' ñi Dios. Qataq qalota na 'alpi na da'amqajnataxan nam ÿataqta ÿi'oxodaipi.

Hechos 13:43

Qaq co'ollaq mashi ime so naponaxac aso naponaxaqui, nachi ÿataqta qalota na judiopi qataq nam chochi ÿaconguet da l'amqajnataxanaxac na judiopi qataq ÿataqta quetegue, namayipi quegue so Pablo qataq so Bernabé. Nachi soomayi ÿataqta huaqattega namayipi, da yaqto' sa ishit da ÿaxaneec da lchoxonnataxanaxa ñi Dios.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 17:17

Qaq ÿoqo'oyi nqo'oneu'a aca naponaxaqui, nachi da'aqtaxaatapeguem na judiopi, nataq'en nam laÿipi mayi ÿi'oxodeetac ñi Dios. Qataq 'enauaque naua na'axa'te da'aqtaxaatac, da'aqtaxaatapeguem nam hueta'a ca naponqa'.

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Juan 12:20

Qaq huo'o na ÿalectauo griego l'ec naua l'aqtaqa nam shiÿaxauapi mayi taÿa yi Jerusalén se'eso na'a'q naponaxaqui da ÿi'oxoden ñi Dios.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 2:3

Qaq so Tito mayi ñinaictague', qalaxayi ñaqaiyita sa ishit da qoÿinapega da i'ot ca n'anaxashit na l'oc, nai'ctaxa da somayi sa ishit da judío l'ec.

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Marcos 7:26

Qaq asa'aso 'alo chigaqhuec, asomayi chigaqaigui na Sirofenicia l'ecpi. Qaq asomayi anac da iÿaxanot so Jesús, da yaqto' i'odauec so l'ec leguemaxaic aso llale.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

Hechos 16:2

Qaq so nqaÿañicpi mayi netaña yi Listra qataq yi Iconio ÿataqta no'on naq'en da n'aqtaguec somayi.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.