Hechos 13:6 - Nuevo Testamento Toba Sur

⁶ Nachi soomayi co'ollaq ime da i'axasoxoodelec aso ÿaqa'ata 'alhua, nachi qaivitta'a yi la ciudad Pafos. Qaq huaña yimayi, nachi qanatenalec so judío l'ec, l'enaxat Barjesús, pi'oxonaq, somayi ÿataqta tenataxanaxaic, 'eetega da l'aqtaxanaxanec ñi Dios.

Nuevo Testamento Toba Sombrero Negro

⁶ Yema jaga'me nepole quedalegue ca'li qama'le yovideta di'me Pafos, ua'a da'me 'uo ñe'me yejomedalegue pi'yoĝonaq judío lenaĝat Barjesús, eetapela't Dios 'laqataĝanaĝanec.

La'aqtaqa Ñim Lo'onatac 'Enauacna 2013

⁶ Nache soomaye co'ollaq ime da ỹa'axasoxoorelec aso ỹaqa'ata 'alhua, nache ivittaxaamalo ye ñegaxasom le'enaxat Pafos. Qaq huaña yemaye, nache nateeralec so judío le'ec, le'enaxat Barjesús, pio'oxonaq, somaye ỹataqta tenataxanaxaic, 'eetega da la'aqtaxanaxanec Ñim Lo'onatac 'Enauacna.

Hechos 13:6 Referans Kwoze

Mateo 7:15

Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

2 Corintios 11:13

Cha'ayi namayipi chochi n'enaqchin da 'eetega da lamaxashicpi so Jesús, qalaxayi tenataxanaxaicpi, qataq chochi n'enaqchingui da 'eetega lamaxashicpi so Cristo.

Marcos 10:46

Qaq mashi qaivita yi la ciudad Jericó. Nachi so Jesús co'ollaq mashi ca'ai yimayi, nnaictagueto soua lapaxaguenataqa qataq qalota so laÿipi shiÿaxauapi. Nachi huo'o so qanamaic l'enaxat Bartimeo. Somayi llalec so Timeo. Qaq somayi nso'ootañi, netau'a na laÿi so nqa'aic, dashilaxaatac.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

2 Timoteo 3:8

Namayipi 'eeta'ama soua 'oiquiaxai Janes qataq so Jambrés mayi dataida'aguet co'olloxochiyi so Moisés. Qaq nataq'en 'eeta'am ne'ena shiÿaxauapi ÿataqta dataÿa'aguet da 'eesa lataxac. Namayipi mashi sotaq ÿaÿamaq da lauattonaxanaxac, qataq npe'eneueegue da lliquiaxac da npi'iÿaxac.

Hechos 13:8

Qalaxayi som pi'oxonaq mayi da lÿa l'enaxat Elimas, somayi ÿataqta ncotatapegueto soomayi, qataq nqanaxattac so nta'a, da yaqto' sa ishit da da'amqajnataxan.

Hechos 13:13

So Pablo qataq soua lÿa't huenotreuo, chigoqchiyiña yi Pafos da nqo'ooda yi Perge mayi huaigui yim 'alhua Panfilia, qalaxayi so Juan Marcos ÿi'iguelaxague da Jerusalén da saq ca'atoiguilo soomayi.