Hechos 13:48 - Nuevo Testamento Toba Sur

⁴⁸ Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

Nuevo Testamento Toba Sombrero Negro

⁴⁸ Ga'me jo'ne ja judiopi, ca'li domachita da'me dojo' male made'tapolqa nataq'aen paja'a 'yaĝatetedac da'me 'laqataĝanaĝac ñe'me Jaliaĝanec yataqachiñe 'noota, qama'le p'iida'a ena'uaque jogaa'me jo'ne joote qoyen tachiguilo da'me 'loyaĝa'j jo'ne ja 'naidena'a qomle.

La'aqtaqa Ñim Lo'onatac 'Enauacna 2013

⁴⁸ Nache co'ollaq hua'axaỹa de'era nam saishet da judiopi, nache ỹataqta huo'o da ntonaxac. Nache namayepi ỹataqta 'onaxaic naqa'en da la'aqtac Ñim Lo'onatac 'Enauacna. Huaña, nache da'amqaanataxan nam nale'ena co'ollaxa da lca'aguishec Ñim Lo'onatac 'Enauacna da yaqto' taỹot da nca'alaxa maye chochaq tatec.

Hechos 13:48 Referans Kwoze

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Romanos 11:7

Qaq ¿chaq huá'ague ca 'eetec? Yi nam Israel l'ecpi sa ishit da ÿanata cam nmittaique, qalaxayi nam lca'aguishicpi ñi Dios qalaq ishit da ÿanata. Qaq nam laÿipi, qalaq n'ona'aguet da ÿataqta qadamchigui.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Efesios 1:19

qataq yaqto' qauaÿajñi dam ÿataqta lta'adaic qataq qaica ca loga't l'añaxac mayi do'onataxaatapoigui da shinaqta mayi sa'amqajnataxanaq. Qaq de'eda qaica ca 'en'am l'añaxac, nachida da ÿachaxan ñi Dios

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Hechos 22:10

Nachi aÿim shinapec: “'Am ÿataxala', ¿négue't ca 'anshitaique da so'ot?” Nachi so qadataxala' aÿim 'enapega, 'eeta': “Qoñishiguem, nachi qocot da 'iquiaxac da 'aigue da Damasco. Qaq qom huaña yimayi, nachi 'am qai'aqtaxanem 'enauac cam 'ad'onataxanaxac.”

Lucas 7:8

Cha'ayi aÿim nataq'en sootañot da lamaxasoxonaxac na nta'alpi, qaq aÿim nataq'en huo'o na ñallippi mayi samaqtac. Qaq da huo'otaq shinapega ñi 'oonolec namayipi da jec, nachi jec. Qataq da huo'otaq shinapega ñi 'oonolec namayipi da shiita': 'auanac, nachi anac. Nachi 'en'am da huo'otaq huo'o ca samaxalec ca ilatac, qalaq i'ot.

Romanos 13:1

'Enauac qome na shiÿaxauapi iuen da ÿalaxaguet da l'onataxanaxac na nta'alpi. Cha'ayi qaica ca nta'a da saq chigoqchigui ñi Dios. Qaq ÿoqo'oyi nam nta'alpi mayi do'onataxaatacpi nagui, namayipi chigoqchigui ñi Dios.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Hechos 20:13

Qaq qomi' nachi qaltaq ñoqotaqhua'a aso barco da sa'auaqta'a yi Asón. Qaq huaña yimayi, nachi seuataqa'aguet so Pablo, cha'ayi nachi qadhuennataxa, cha'ayi so Pablo maichi lhuennataxac da petañi.

Mateo 28:16

Nachi soua once lapaxaguenataqa je'c da tadegue da Galilea da nqo'ooda aso qasoxonaxa mayi ÿachaxanapec co'ollaxa so Jesús, da huaña, qaq qanauane'.

2 Ts 3:1

Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

Hechos 15:31

Nachi so nqaÿañicpi co'ollaq itaxaÿaxaatac aso nede, nachi ÿataqta machiguiñi souaxat da n'añaqchitaguec.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 13:42

Qaq so Pablo qataq soua lÿa't co'ollaq huenoxootraguec da queda'ai aso laponaxaqui na judiopi, nachi nam sa ishit da judío l'ecpi iÿaxanot somayi, da yaqto' que'eca lÿa na'a'q mataxaqui nachi qaltaq ipaquejlec da i'axat de'eda.

Hechos 8:8

Qaq 'eda da 'eetec da huo'o mshi 'enauac nam netaña se'eso pueblo ÿataqta huo'o da ntonaxac.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Hechos 13:12

Nachi so nta'a co'ollaq ÿauaachigui de'eda, nachi da'amqajnataxan, cha'ayi ÿataqta huo'o da l'aalaxa da napaxaguenataxanaxac da qai'axattac so qadataxala' Jesús.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Efesios 1:5

Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.