Hechos 13:47 - Nuevo Testamento Toba Sur

⁴⁷ Cha'ayi nachida da qomi' ÿamaxalguete ñi qadataxala', 'eeta': 'Am sanagui da 'ico' 'am lcoÿadaxanaxaqui na ÿotta'a't shiÿaxauapi, qataq 'am chigoqchigui qome da nca'alaxa, chochi ivitta'a ca loga't ana 'alhua.

Nuevo Testamento Toba Sombrero Negro

⁴⁷ Qa'a naq'aeta da'me qo'mi yamaĝalo'te ñe'me Jaliaĝanec, enaac: «Am jene'tem lecoyadaĝanaqate na'me noyaqapi, qaedi aueda'alo da'me yec'alaqataĝanaĝac chayovida'alo gaa'me loiquiaqa'te jena'me aleua.»

La'aqtaqa Ñim Lo'onatac 'Enauacna 2013

⁴⁷ Cha'aye nachera da qomi' ỹamaxaleguete Ñim Lo'onatac 'Enauacna, 'eeta': 'Am sanagui da 'am lcoỹaraqte na ỹotta'a't shiỹaxauapi, yaqto' 'am 'aua'axat da nca'alaxa, choche ivitta'a ca ỹataqta pa'atec ana 'alhua.

Hechos 13:47 Referans Kwoze

Lucas 2:32

Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Marcos 16:15

Nachi somayi 'enapegalo soomayi, 'eeta': –Qanqo'oñiÿa qome 'enauac na shiÿaxauapi mayi huetalec ana 'alhua, nachi qau'aqtaxañiim dam n'aqtac mayi chigaqaigui da nca'alaxa.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.