Hechos 13:46 - Nuevo Testamento Toba Sur

⁴⁶ Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Nuevo Testamento Toba Sombrero Negro

⁴⁶ Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

La'aqtaqa Ñim Lo'onatac 'Enauacna 2013

⁴⁶ Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Hechos 13:46 Referans Kwoze

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Mateo 21:43

Qaq ÿoqo'oyi qami' shinapegalo da de'eda l'onataxanaxac ñi Dios da ilo'ogue 'enauacna, damayi qami' qanqateeguesopa qome. Nachi damayi qoÿami' ca shiÿaxauapi mayi ÿoqta ipacchigui cam alaÿaxac mayi taiguet de'eda l'onataxanaxac.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Romanos 2:10

Qalaxayi ñi Dios ÿanem qome da lli'oxoyic, ñi'oxonnataguec, qataq da nlagaxayic 'enauac nam i'ottac da ÿaÿamaqchiguiñi. Hua'auchiguiñi naq'en na judiopi, nataq'en nam saq judiopi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

Juan 1:11

Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Hechos 13:14

Qaq co'ollaq ime, nachi soomayi queda'ai yi Perge da nqo'ooda yi la ciudad Antioquía mayi huaigui yi 'alhua Pisidia. Qaq co'ollaq huaña yimayi, nachi nqo'oodeu'a aso laponaxaqui na judiopi so na'a'q mataxaqui, nachi nso'ooyiñi.

Hechos 13:5

Qaq co'ollaq ivitra yimayi, nachi huetra'a so ñigaxasom l'enaxat Salamina. Huaña, nachi i'axattrac da l'aqtac ñi Dios, huetraigui ana laponaxaquipi na judiopi. Qaq so Juan Marcos nachi quetaiguilo soomayi da itauaata'pe.

Hechos 4:13

Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

Juan 4:22

Qami' Samaria lashi', qami' sa ishit da qauaÿajñi cam qanatamñiitacot. Qomi', qalaxayi ÿataqta saÿajnaqta ñim ñatamnaqtacot. Cha'ayi da nca'alaxa, damayi chigoqtoigui na judiopi.

Mateo 10:6

Chaqdata qome da qanqo'oñiÿa nam llalaqpi, so Israel mayi 'eeta'am aca qagueta mayi isomtac.

Hebreos 11:34

qataq da qaÿalamat na lta'adaic nodec, qataq da nañitaguec da huotaique da qaÿalauat. Qataq nam qaica ca l'añaxacpi, qalaq ivida'a da ÿataqta 'añaxaicpi da huo'o na alaataxac, nachi ishit da loxonec nam npa'aguenaxauapi.

Mateo 21:41

Nachi qoÿiita': –Qomyi ÿataqta sa ichoxonnai' da ÿalauat se'eso qauemaicpi. Ime, qaq ÿanem so 'alhua so laÿipi 'onataxanaxaicpi mayi ÿataqta ipacchigui da icolaxateuga cam talec so 'aco', da iviteuga ca laloqo' da qanqat na nanguishic.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Hechos 19:9

Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.