Hechos 13:39 - Nuevo Testamento Toba Sur

³⁹ Qaq ÿoqo'oyi 'enauac nam i'amaqten somayi, nachi ishit da qaÿapalaxat 'enauac nam lasouaxashitpi mayi sa ishit co'ollaxa da ÿañoxot da ÿapalaxat nam lqataxacpi so Moisés.

Nuevo Testamento Toba Sombrero Negro

³⁹ Qa'a ena'uaque ami jo'ne ja auaqanachichi ta'le auachiyoĝochiyaye da'me namaĝajoĝonaĝac jo'ne chiyoqo'ot ñe'me Moisés da'me qoyapalaĝa't jogaa'me adoecodi', nayi ami yachimaĝachichidiñe queda'me nach'eñe ñe'me Jesús jo'ne chiyaqayi da'me male qoyapalaĝa't daa'me loeco ena'uaque gaa'me jo'ne p'iida'a.

La'aqtaqa Ñim Lo'onatac 'Enauacna 2013

³⁹ Qalaxaye Ñim Lo'onatac 'Enauacna ỹapalaxat na lasouaxashetpi 'enauac nam ỹa'amaqten So Jesús.

Hechos 13:39 Referans Kwoze

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Hebreos 7:19

Cha'ayi nam lqataxacpi so Moisés sa ishit da ÿañoxot da naloqchiichiguiñi da lataxac na shiÿaxauapi. Qalaxayi nmenguet qanqoÿin dam qanaquitaxac mayi qaica ca 'en'am, qaq nachida da chigoqchigui da huo'o mshi ñoqochinaxau'a ñi Dios.

Romanos 10:10

Cha'ayi da qadquiyaqteÿaxac da ÿataqta da'amqajnataxan, nachi ñi Dios ishit da qomi' ÿaÿamaxadeete'; qataq da sa'axataq so Jesucristo, nachi ishit da qomi' qanca'alaxatreec.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Romanos 4:15

Cha'ayi nam nqataxacpi ishit da i'ot ca nhuaxanaguec ca shiÿaxaua. Qalaxayi cam huetaña da qaica na nqataxacpi, nachi sa ishit da huo'o ca sa ÿalaxalec namayipi.

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

Romanos 5:20

Cha'ayi nam nqataxacpi anac, da yaqto' ishit da nquicteec da yi'oq naq'en na nasouaxashitpi. Qalaxayi co'ollaq nquicteec na nasouaxashitpi, nachi da lqouagaxanaqtaic ñi Dios nataq'en ÿataqta nquiguishiguem.

Romanos 5:9

Qaq nagui da mashi qomi' ÿaÿamaxadeete' ñi Dios da sachigoxosoqchigui da l-leuaxa so Cristo, nachi ÿoqta 'itchiguiñi qone' da qomi' nca'alaxateeguesopa somayi cam nhuaxanaguec na shiÿaxauapi mayi ñaq naÿa'cna.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Hebreos 10:11

Qaq 'enauac nam ltaxaÿaxanaxanecpi na judiopi da qaitaxaÿapegue' ñi Dios, namayipi i'ot da l'onataxanaxac na na'axa'tesa'chi qataq queto'ot da ÿi'iguelaxattalec da ÿaatapegueuo nam nachitaqtaxanaxatpi, qaq nai'ctaxa da ne'ena nachitaqtaxanaxatpi sa ishit da nqat na nasouaxashitpi.

Hebreos 10:4

cha'ayi ne'ena ltago'q na huaca lhuadaicpi qataq na quetaq lhuadaicpi, namayi sa ishit da ÿañoxot da nqat na nasouaxashitpi.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.

Romanos 4:24

nataq'en qomi' tachiguilo. Cha'ayi souaxat da qadpi'iÿaxac, nachi ñi Dios nataq'en qomi' ÿaÿamaxadeete', qataq qomi' ÿamata'aque da qomi' no'o'n shiÿaxa'u. Cha'ayi qomi' sa'amaqtenaq ñimayi mayi ishit da nca'alaxateeguesop naq'en da nleuaxa so qadataxala' Jesús,

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Gálatas 5:3

Qaq ÿoqo'oyi qaltaq shi'iguelaxalec da shinapec da ca camachaqca shiÿaxaua da nañanguet da qaÿauo'o ca n'anaxat na l'oc, nachi camayi ishit da i'ot 'enauac nam damaxasoxoolec na nqataxacpi mayi chigoqo'ot so Moisés.

Gálatas 3:8

Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Gálatas 2:19

Cha'ayi aÿim mashi sogote da 'eeta'am da seleu, da yaqto' sa ishit da aÿim ÿauectac na nqataxacpi mayi chigoqo'ot so Moisés. Qaq nachiso se'eso nqataxac so aÿim ÿalauat, da yaqto' aÿim ñica'aleec, da yaqto' so'onataxanot ñi Dios.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Romanos 9:31

Qamaq nam Israel l'ecpi mayi quetague' nam nqataxacpi mayi ishíttaxa da ÿaÿamaxadeeta naq'en ñi Dios, qalaxayi namayipi sa ishit da ÿañoxot da ipaguelec nam nqataxacpi.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Lucas 18:14

Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Lucas 10:28

Nachi so Jesús 'enapeco': –Aja', ÿaÿamaqchiguiñi da 'adasataxac, qaq da 'au'ot de'eda, nachi huo'o da 'adca'alaxa.

Lucas 10:25

Nachi nachajñi som dapaxaguenataxaatapeguec na nqataxacpi da nqo'oneu'a so Jesús da detaxaÿapegue' da chochi ÿi'iguen. Nachi inat, 'eeta': –'Am mayi 'auapaxaguenataxaatac, ¿chaq huá'ague ca shiitec da yaqto' ishit da senoxoneu'a cam nca'alaxa mayi chochi tateec?

Romanos 3:20

Cha'ayi qaica ca ishit da ÿaÿamaxadeeta ñi Dios souaxat da i'ottac nam damaxasoxoolec na nqataxacpi, cha'ayi ne'ena nqataxacpi, namayipi chaqdata da i'ot da qomi' ÿaÿajnaxanaxanque da qomi' huo'o cam qadasouaxashit.