Hechos 13:32 - Nuevo Testamento Toba Sur

³² Qaq ÿoqo'oyi qomi' qami' sa'axataqtapeguema nagui de'eda no'on qad'axaÿaxac mayi ÿachaxanapeguem co'ollaxa som hua'au qadta'alpi ñi Dios.

Nuevo Testamento Toba Sombrero Negro

³² “Chane'eja qo'mi male ami ja'aĝataĝama da'me dojo' onaĝaic 'naqataĝanaĝac: da'me jo'ne Dios yaqataĝanoto ca'li dia'me qadet'al,

La'aqtaqa Ñim Lo'onatac 'Enauacna 2013

³² Ñim Lo'onatac 'Enauacna ỹachaxanapeguem co'ollaxa som hua'au qarta'alpi da namaq ca Qarca'alaxaqui. Qaq qomi', nache sa'axataqtac nagui de'era no'on na'axaỹaxac.

Hechos 13:32 Referans Kwoze

Romanos 4:13

Cha'ayi ñi Dios ÿachaxanapecot co'ollaxa so Abraham qataq cam llalaqpi ana 'alhua da ÿauo'o lalamaxat lma'. Qalaxayi de'eda qaÿachaxanapec sa ishit da huo'otaq chigoqchigui da souaxat da ÿalaxalec nam nqataxacpi so Abraham. Mayi souaxat da somayi huo'o da lpi'iÿaxac ñi Dios. Nachi ñi Dios ÿaÿamaxadeeta somayi, nachi ÿamata'ac da no'on shiÿaxaua.

Hechos 26:6

Qaq nagui aÿim qanauegueuo, da yaqto' aÿim qanmit souaxat de'eda ñaquitaxac, da ñi Dios ishit qome da qaltaq nca'aleec naq'en na leuaxaicpi, cha'ayi nachida dam ÿachaxanapecot co'olloxochiyi som hua'au qadta'alpi.

Romanos 9:4

Cha'ayi namayipi maichi llalaqpi so Israel, qataq ñi Dios ÿaconguet namayipi da 'eeta'am naq'en da llalaqpi. Ñi Dios ÿataqta hueta'aguet co'ollaxa naq'en namayipi da lli'oxoyic qataq da chigoqta'ague somayipi ÿanem ñi 'oonolec da naÿamaxataxac, qataq ÿanem so nqataxacpi mayi chigoqo'ot naq'en so Moisés, qataq dam lataxac da qaÿi'oxoden ñimayi da huaigui aso ñi'oxonnataxanaxaqui, qataq ÿanem nam ÿachaxanapecpi.

Hechos 13:38

Qaq ÿoqo'oyi, qami' ÿaqaÿa't, iuen da qauaÿajñi da nachiso so Jesús so chigoqchigui da qaÿapalaxat na nasouaxashitpi. Qaq nachida dam qami' sa'axataqtapeguema nagui.

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Hechos 5:42

Nachi soomayi quetoto da dapaxaguenataxaata'pe qataq i'axattrac so Jesús 'enauaque naua na'axa'te, huo'o da huetra'a aso n'onaxanaxaqui, huo'otaq naua nma'te.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Lucas 2:10

Qalaxayi so lamaxashic ñi Dios 'enapeco': –Sa ishit qome da qayi'ii, cha'ayi aÿim qami' ñida'alo da no'on qad'axaÿaxaqui. Qaq damayi i'ot qome da ntonaxac 'enauac na shiÿaxauapi.

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 13:23

Qaq huo'o so 'oonolec nam llalaqpi se'eso David, somayi nachiso so Jesús som ÿanagui ñi Dios da lca'alaxaqui naq'en na llalaqpi so Israel, cha'ayi ñimayi nachi ÿachaxanapec co'ollaxa damayi da ÿan.

Hechos 14:15

–¡Qami' ÿallippi! ¿Tá'ainco' yi nachi qoñiitec de'eda? Qomi' nachi qami' shinaqta'ama, chochi qomi' shiÿaxa'u. Qalaxayi nachida da huo'o mshi ñanaguenaq da qami' shinaqpegalo da qai'axañiiuec na chochina qaica ca naigui, nachi qoquiigue ñi Dios mayi nca'altauec, ñim l'onatac na piguem, 'alhua, auaxai qataq 'enauac na huetalecna.

Romanos 1:2

Ñi Dios ÿan co'ollaxa de'eda l'aqtac, ÿachigoxotchigui naq'en so l'aqtaxanaxanecpi da ÿilyiñi naq'en naua qui'itte' l'aqtaqa ñimayi.