Hechos 13:27 - Nuevo Testamento Toba Sur

²⁷ Cha'ayi nam shiÿaxauapi mayi netaña yi Jerusalén qataq nam lataxala'pi, namayipi sa ishit co'ollaxa da ÿauatton so Jesús, qataq namayipi sa ishit da ÿaÿajnegueta naua l'aqtaqa som l'aqtaxanaxanecpi ñi Dios mayi qaitaxaÿaxaata'pe naxa da huaigui ana laponaxaquipi namayipi yi na'a'q mataxaqui, nachi qoÿanguet somayi da nalaataguec. Qaq de'eda i'ot, damayi ipacchigui dam i'axattac co'ollaxa so n'aqtaxanaxanecpi.

Nuevo Testamento Toba Sombrero Negro

²⁷ Qa'a gaa'me jo'ne neda'ña di'me Jerusalén nataq'aen gaa'me lejaliaĝanaqa ja yatetoteguet ñe'me Jesús, uotaĝa ta'le yayate'n gaa'me 'laqataqa dia'me Dios 'laqataĝanaĝanaqa jo'ne qoyec'ate'n nale uedaue gaa'me lemaĝaiqui yemeda gaa'me noloqo'ote 'me niyamaqataqa. Qama'le naq'aeta da'me mach'egaua, ca'li yala't ñe'me Jesús, qama'le yepaquichiguilo gaa'me jo'ne joote qo'yaĝate'tape.

La'aqtaqa Ñim Lo'onatac 'Enauacna 2013

²⁷ Saỹatenaq da nam netaña ye nỹecpi ye Jerusalén qataq nam nataxala'pi saishet da ỹauatton se'eso Jesús. Na'aictaxa da 'enauaque naua mataxaqui' da itaxaỹaxaatrac ana lereguishe so na'aqtaxanaxanecpi, qalaxaye ñaqaiyeta saishet da tagui ye lauel da ana'ana nere ỹa'axattac So Jesús. Qaq ỹoqo'oye damaxasoxoolec da qaỹalauat Somaye, qaq sa ỹaỹaten de'era ỹo'ot, damaye ipacchigui da ỹa'axattac co'ollaxa so na'aqtaxanaxanecpi.

Hechos 13:27 Referans Kwoze

Hechos 3:17

Qaq aÿim saÿaten, qami' ÿaqaÿa't, da co'ollaq qami' qataq nam qadataxala'aipi qaualauachi so Jesús, qalaq sa ishit da ÿoqta qauaÿajñiita dam qau'ochiitac.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Hechos 15:21

Cha'ayi dam chigoqta'ague soua hua'a'u vi'iyi huo'o co'ollaxa na shiÿaxauapi mayi i'axatta'pe naua lqataxaco so Moisés mayi qaitaxaÿaxaata'pe yi na'a'q mataxaqui da huaigui ana laponaxaquipi na judiopi.

Lucas 24:20

Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi qadta'alpi qoÿanguet somayi da nalaataguec qataq da qaiuaxaneuo.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

1 Corintios 2:8

Na nta'alpi mayi huetalecna, qaica ca ÿaÿaten de'eda naÿajnec. Cha'ayi da huo'otaq ÿaÿaten de'eda, qaq sa ishíttaxa da qaiuaxaneuo so qadataxala' mayi ÿi'oxodaic.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 8:28

Qaq ÿoqo'oyi so Jesús 'enapego' somayipi, 'eeta': –Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a.

Lucas 22:34

Qalaxayi so Jesús 'enapeco' somayi, 'eeta': –Pedro, nagui 'am shinapega da qomele qom yaqta'a da noÿin ca 'olgaxa, qaq mashi tres qome da 'avi'iguelaxalec da 'anqolguet da qonetega aÿim sa 'auauatton.

Mateo 22:29

Nachi so Jesús 'enapeco': –Qami' qauesomiÿapec, cha'ayi sa ishit da qauaÿajñi' naua ñiyigui'shi l'aqtaqa ñi Dios qataq da l'añaxac ñimayi.

Lucas 23:13

Nachi so Pilato lapona't so lataxala'pi na ntaxaÿaxanaxanecpi qataq som nataxala'pi qataq na shiÿaxauapi.

Juan 5:39

Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.